ភ្នំពេញ៖ Pub រាត្រី ដែលជាកន្លែង ជជែកកម្សាន្ត និងស្រស់ ស្រូប អាហារ ពេលរាត្រី ដ៏ថ្មីសន្លាង ក្នុងរាជធានី ភ្នំពេញ ធ្វើឡើងពី ទូកុងតឺន័រ និងគ្រឿងម៉ូតូ អមដោយការ រចនាម៉ូតផ្ទៃ ខាងក្នុងដូចលើដងវិថី នៃទីលាន ប្រណាំងម៉ូតូធំៗ នឹង ត្រូវបង្ហាញ វត្តមាននាអំឡុង ខែតុលា ខាងមុខនេះ ហើយ ជាមួយទុន វិនិយោគ មិនតិចជាង ៣០ម៉ឺនដុល្លារ ឡើយ ។
Read more: ទូកុងតឺន័រ និងគ្រឿងម៉ូតូ ត្រូវគេច្នៃ ជាកន្លែងជួបជុំ និងស្រស់ស្រូបអាហារ...
ភ្នំពេញ: ក្រោយពីបដិសេធ រឹងមាត់ថាខ្លួន មិនបានបង្ក គ្រោះថ្នាក់ចរាចរណ៍ នៅបាត់ដំបង និងប្រកាសក្ដែងៗ ថានឹងបើកឡាន មកសួរសុខទុក្ខ អ្នកកាសែតស្ថាប័ន មួយដល់ទីស្នាក់ការ សាសា ក៏បានប្រតិកម្មជាហូរហែ នឹងការចុះផ្សាយព័ត៌មាន ពីនាងដោយសរសេរថា៖ «ក្រៅពីព័ត៌មាន មី សាសា គឺមិនចុះព្រោះលក់មិនដាច់»។
យ៉ាងណាមិញ អតីតពិធីការិនីទូរទស្សន៍ស៊ីធីអិន ហ៊ុមព័ទ្ធដោយរឿងអាម៉ាស់ កញ្ញា សាសា ក្រោយពីគូកននាងចំនួន ៧ នាក់ចូលខ្លួនផ្តល់ ចម្លើយយករួចខ្លួន នោះនាងក៏ត្រូវ បានតុលាការក៏ កោះហៅឲ្យចូលខ្លួនទៅ បំភ្លឺនៅថ្ងៃទី ២៧ ខែសីហា នេះជាកំហិតដែរ។ តាមការឲ្យដឹងពី លោក តូច សុភក្ដី ព្រះរាជអាជ្ញារង តុលាការក្រុងបាត់ដំបង បានប្រាប់ថា៖ «ករណីបង្កគ្រោះថ្នាក់ ចរាចរណ៍ទាំងកណ្តាលអធ្រាត្រថ្ងៃទី ២ ខែសីហាដែលកញ្ញា សាសា តារាសិល្បៈបង្កឡើង ទៅលើអ្នកដឹកទឹកកក នោះពិតណាស់គាត់ បានសងសំណង ទៅភាគីរងគ្រោះ ចំនួនទឹកប្រាក់បីលានរៀលមែន។ប៉ុន្តែករណីនេះ អ្នកបង្កនៅជាប់ បណ្តឹងអាជ្ញា»។
លោក តូច សុភក្ដី បានបញ្ជាក់ថា៖ «កញ្ញា សាសា នៅជាប់បណ្តឹងអាជ្ញា ពីរករណីទី មួយបើកបរបង្ក ឲ្យប៉ះពាល់ដល់អ្នកដទៃ និងប្រើប្រាស់រថយន្ត អត់មានស្លាកលេខ»។ លោកបានឲ្យ ដឹងបន្តទៀតថា៖ «តុលាការខេត្តបាត់ដំបង បានចេញដីកាកោះហៅ សាសា ឲ្យចូលខ្លួនមក បំភ្លឺនៅថ្ងៃទី ២៧ សីហានេះតែមិន ដឹងថានាងនឹងចូល ឬមិនចូលយើង មិនទាន់ទទួលបាន ចុងសន្លឹកទេ ខណៈដែលគូកននាងបានចូលខ្លួន មកបំភ្លឺអស់ហើយ»។
នៅពេលស្នើសុំ បញ្ជាក់ពីករណី ល្មើសច្បាប់ទាំងពីរ ករណីនោះ លោក តូច សុភក្ដី មិនបានបញ្ជាក់ ពីស្ថានទម្ងន់ទោស និងត្រូវផាកពិន័យ ប៉ុន្មានទេដោយ លោកប្រាប់ថាមាន ចែងក្នុងច្បាប់ចរាចរណ៍ក្នុងមាត្រាទី ៨២ ។ ច្បាប់ស្តីពីចរាចរណ៍ ផ្លូវគោកមាត្រាទី ៨២ ចែងថា៖ «ជនណាប្រើប្រាស់ រថយន្តដោយគ្មាន ប័ណ្ណសម្គាល់រថយន្ត ឬគ្មានស្លាកលេខសម្គាល់ ត្រូវផ្តន្ទាទោសដាក់ពន្ធនាគារពី ៦ (ប្រាំមួយ) ថ្ងៃទៅ ១ ខែ និងពិន័យជាប្រាក់ពី ១ សែនរៀលទៅ ៨ សែនរៀល»។
តបពីការ លើកឡើងនេះ ភ្នំពេញប៉ុស្តិ៍មិនអាច ទំនាក់ទំនងសុំការ បញ្ជាក់ពីកញ្ញា ឯក សុជាតា ហៅ សាសា បាននោះទេ។ ដូចគ្នានេះឪពុកកញ្ញា សាសា លោក ឧកញ៉ា អ៊ុត ធី ក៏មិនអាច ទាក់ទងបានដែរ នៅរសៀលម្សិលមិញ។ ជាមួយគ្នានេះទំព័រ ហ្វេសប៊ុកដែល កន្លងមកកញ្ញា សាសា តែងយកធ្វើជាចុតហ្មាយ ចំណាយពាក្យតបត ជាមួយការចេញផ្សាយ រឿងនាងនោះបែរ ជាស្ងប់ស្ងាត់ផងដែរ។
ប៉ុន្តែតាមការផ្សាយ របស់ទូរទស្សន៍ក្នុងស្រុក កញ្ញា សាសា បានទទួលស្គាល់ ហើយថានាងស្ថិតនៅ ក្នុងហេតុការណ៍បង្ក គ្រោះថ្នាក់នៅ ខេត្តបាត់ដំបងមែនហើយ នាងក៏បញ្ជាក់ថាមូលហេតុ ដែលនាងបដិសេធនោះ មកពីមិនចង់ឲ្យភ្ញាក់ផ្អើល ដល់សារព័ត៌មាន ទៀតព្រោះថារឿង មួយនៅភ្នំពេញមិនទាន់ ដោះស្រាយចប់ក៏បែរ ជាលេចឡើងរឿងថ្មី៕
ដកស្រង់ពី៖ Postkhmer
ភ្នំពេញ: នៅព្រឹកថ្ងៃព្រហស្បតិ៍នេះ លោក អ៊ិន សុភិន ចាងហ្វាងផលិតកម្ម មហាហង្ស បានប្រកាសធ្វើសន្និសីទ កាសែតយ៉ាងក្រហល់ នៅទីតាំងក្រុមហ៊ុន ផលិតកម្មមហាហង្ស នៅក្បែររង្វល់មូលទួលគោក។
នៅចំពោះមុខ អ្នកសារព័ត៌មាន ប្រមាណជា ១០ ស្ថាប័ន លោក អ៊ិន សុភិន បានប្រកាសប្រធានបទ សន្និសីទព័ត៌មាន ដ៏ភ្ញាក់ផ្អើលថា៖ «ថ្ងៃនេះខ្ញុំអញ្ជើញបងៗ សារព័ត៌មានមក ទាំងតក់ក្រហល់នេះ គឺខ្ញុំចង់ប្រាប់ថា ខ្ញុំនិងប្រកាសសង្គ្រាម ជាមួយតារាសម្តែង លោក ប៉ែន ចំរ៉ុង ពីពេលនេះតទៅ»។ បង្ហើបពីដំណឹង ដ៏ភ្ញាក់ផ្អើល ដែលមហាជនមិន នឹកស្មានដល់នេះ លោក អ៊ិន សុភិន ដែលកំពុងទទួលជោគជ័យលើការ ផលិតភាពយន្តនោះ បានអះអាងថា៖ «នៅយប់ម៉ិញ យប់ថ្ងៃទី ២៦ ខែសីហា នេះនៅម៉ោង ១០ ខ្ញុំបានវាយ និងទាត់លោក ប៉ែន ចំរ៉ុង បីជើងរួចហើយ ហើយថ្ងៃនេះ ខ្ញុំក៏នឹងតាមវាយ ប៉ែន ចំរុង ដល់ផ្ទះគាត់ទៀត»។
លោក អ៊ិន សុភិន បានលើកឡើងពី មូលហេតុទៀតថា លោក ប៉ែន ចំរុង បានម៉ាក់ងាយនិង ជាន់ឈ្លីកិក្តិយសគ្រួសារលោក ខណៈដែលលោកក៏ធ្លាប់បានហាម ប៉ែន ចំរុង ម្ដងជាពីរដងហើយថា មិនឲ្យតាមស្រលាញ់កូនស្រី សំព្វរបស់លោកដែលតារាសម្ដែង និងពិធីការិនី ភិន សុដាលីស នោះទេ។ លោក អ៊ិន សុភិន បញ្ជាក់ថា៖ «លោក ប៉ែន ចំរ៉ុង និងកូនស្រីខ្ញុំ ភិន សុដាលី គាត់មានទំនាក់ស្នេហាជាមួយគ្នា ហើយរឿងនេះ ខ្ញុំក៏បានហាម កូនស្រីដាច់ខាត់ មិនឲ្យទាក់ទង ប៉ែន ចំរុង ហើយចំណែក ប៉ែន ចំរុង ខ្ញុំក៏ធ្លាប់បាន ប្រាប់ហើយដែរ កុំមកទាក់ទង សុដាលីស ទៀត ហើយ ចំរុងក៏បានសន្យាថា ឈប់ទាក់ទងដែរ។
ប៉ុន្តែនៅយប់ម៉ិញ គាត់នៅជាមួយកូនស្រីខ្ញុំ ហើយគាត់ក៏ជួន កូនខ្ញុំមកទៀតនៅម៉ោង ១០ យប់»។ លោក អ៊ិន សុភិន បញ្ជាក់បន្ថែមទៀតថា៖ «ម៉ោង ១០ យប់ ខ្ញុំក៏ឃើញ ចំរុង នៅជាមួយកូនស្រី និងជូនដាលីស មកផ្ទះទៀត ក៏ផ្ទុះរឿង ខ្ញុំក៏ស្ទុះទៅដាល់ និងទាត់ ចំរុង ពីរបីជើង ហើយរឿងនេះក៏ មិនចប់ដែរ ខ្ញុំនឹងធ្វើសង្គ្រាមជាមួយ ចំរុង ដល់ទីបញ្ចប់»៕
ដកស្រង់ពី៖ Postkhmer
តារាកំប្លែងនាង ប្រិមប្រិយ និង នាយ ក្រិន ត្រៀមចេញទៅ សម្ដែងលើទឹកដី សហរដ្ឋអាមេរិក លើកដំបូងរយៈពេលកន្លះឆ្នាំ តបតាមកាអញ្ជើញ របស់ភ្នាក់ងាររៀបចំកម្មវិធីទីនោះ។
Read more: ប្រិមប្រិយ និង នាយ ក្រិន ត្រៀមទៅចោលទស្សនិកជនកន្លះឆ្នាំ
ប្រសិនបើ អ្នកស្រលាញ់ Galaxy Note 5 ហើយចង់ជាវ យកមកប្រើប្រាស់ ប៉ុន្តែមិនចង់ បានពណ៌ធម្មតា ដូចអ្នកដទៃប្រើទេនោះ ឥលូវនេះមាន ជម្រើសថ្មីមួយបន្ថែមទៀត សម្រាប់អ្នកគឺ ទូរសព្ទដែលស្រោបដោយ មាស។
Read more: Galaxy Note 5 ស្រោបមាសតម្លៃត្រឹមតែ១៤៥០ដុល្លារ
“រឿងថ្លៃទឹកដោះ ហ្នឹងខ្ញុំអត់ហ៊ាន សម្រេចទេ ទុកឲ្យម៉ាក់ អ្នកអាកាត់ចុះ” នេះជាការឆ្លើយតប របស់កញ្ញា គង់ ចាន់ស្រីមុំ ទៅនឹងសំនួរ ដែលបានសួរថា តើកញ្ញាគ្រោងទារថ្លៃ បណ្ណាការប៉ុន្មានពីលោកគឺម សីហា ?
ស្រីស្អាត គង់ ចាន់ស្រីមុំ និង លោក គឹម សីហា បានស្រលាញ់គ្នា ជាច្រើនឆ្នាំមកហើយ ជាមួយគ្នានោះ អ្នកទាំងពីរបាន ថែមទាំងបោះទុន រកស៊ីជាមួយគ្នា រាប់លានដុល្លារ ថែមទៀតផង។ គូស្នេហ៍១គូរនេះនៅ មិនទាន់បានភ្ជាប់ពាក្យ ជាមួយគ្នា នៅឡើយទេ ប៉ុន្តែ លោក គឺម សីហា ធ្លាប់បានទិញ ចិញ្ចៀនពេជ្រថ្លៃ ២ម៉ឺនដុល្លារ ជូនតារាស្រីម្នាក់នេះ រួចហើយក្នុង ថ្ងៃខួបកំណើត ប៉ុន្មានថ្ងៃមុននេះ។
កញ្ញា គង់ ចាន់ស្រី បានសរសើរគូស្នេហ៍ ដោយនាងបាន លើកឡើងថា ចាប់តាំងពីបាន ស្គាល់គ្នាមក បុរសម្នាក់នេះ បានបង្រៀនឲ្យ នាងចេះរកស៊ី ហើយទទួលបាន ជោគជ័យជាបន្តបន្ទាប់។ម្ចាស់ហាងទឹកអប់ Secret by Sreymom ម្នាក់នេះបានបង្ហើប ប្រាប់ថា ពួកគេគ្រោងរៀបការ ក្នុងពេលឆាប់ៗ ខាងមុខនេះ ប៉ុន្តែមិនទាន់ កំណត់ថ្ងៃច្បាស់លាស់ឡើយ ។ដោយឡែកចំពោះ រឿងថ្លៃបណ្ណាការវិញ ក្រៅពីចាស់ទុំ សងពិភាក្សាគ្នា ពួកនាងមិន លូកលាន់ទេ៕
ដកស្រង់ពី៖ Sabay
យោងតាម គេហទំព័របរទេស GSMArena ឱ្យដឹងថា ក្រុមហ៊ុនមួយនៅ ប្រទេសបារាំង នឹងទទួលសិទិ្ធ ដាក់លក់ផលិតផល iPhone 6S ជាផ្លូវការពីថ្ងៃទី ១១ កញ្ញា ២០១៥តទៅ ពោលគឺ រយៈពេលពេល២ថ្ងៃ បន្ទាប់ពីស្មាតហ្វូន ជំនាន់ថ្មីនេះនឹង ប្រកាសនៅថ្ងៃទី៩ កញ្ញា ២០១៥ ។
Read more: អាចបញ្ជាទិញ iphone 6S ចាប់ពីថ្ងៃទី 11កញ្ញាទៅ
ក្រុមហ៊ុនបានចាប់ ដំណើរការនូវ កម្មវិធីមួយគឺ “កម្មវិធីប្ដូរកាមេរ៉ា iSight របស់ iPhone 6 Plus” ដោយសារតែទូរសព្ទ ដែលខ្លួនបានដាក់លក់ ក្នុងកំឡុងពី ខែកញ្ញា ២០១៤ ទៅខែមករា ២០១៥ គឺមានបញ្ហាពាក់ព័ន្ធ នឹងកាមេរ៉ា ធ្វើឲ្យការថតរូប មានសភាពព្រាល។
កាលពី ខែកញ្ញាឆ្នាំទៅមិញ អ្នកប្រើប្រាស់ iPhone 6 Plus មួយចំនួនមានការត្អូញត្អែរ ចំពោះគុណភាព របស់កាមេរ៉ា ដោយសារតែ ថតរូបមិនច្បាស់។ ក្រុមហ៊ុនApple ក៏បាន បញ្ជាក់ផងដែរថា ការផ្លាស់ប្ដូរកាមេរ៉ា iSight ថ្មីនេះគឺ នឹងមិនគិតថ្លៃ លើការចំណាយ អ្វីទាំងអស់។ ចំពោះលក្ខខ័ណ្ឌ ដែលអាចមាន សិទ្ធិចូលរួមក្នុង កម្មវិធីផ្លាស់ប្ដូរនេះ បានគឺទាល់តែកាមេរ៉ា ទូរសព្ទរបស់អ្នក ថតរូបចេញមកមានសភាពព្រាល និង ស្ថិតនៅក្នុងចំណោម Serial Number ដែលក្រុមហ៊ុន បានកំណត់។
ដើម្បីធ្វើការពិនិត្យ មើលថាតើ Serial Number ទូរសព្ទរបស់អ្នក អាចមានសិទ្ធិចូលរួម ក្នុងកម្មវិធីនេះយ៉ាងណា អ្នកអាចចូលទៅ កាន់វិបសាយរបស់ Apple រួចបញ្ចូល Serial Number របស់អ្នក។ មុននឹងធ្វើការ បញ្ចូល Serial Number អ្នកគួរតែជ្រើសរើស ប្រទេសជាមុនសិន៕
ដកស្រង់ពី៖ sabay
ទំនាស់ក្នុងគ្រួសារ លោក ញ៉ែម សំអូន ដែលចុងក្រោយត្រូវ យ៉ាន លីនដា ជាភរិយាឡើងយន្តហោះ ទៅអូស្ត្រាលីចោលបាត់ ប្រមាណ២ខែហើយនោះ បន្តស្ថិតនៅក្នុង សភាពស្ងប់ស្ងាត់ បន្ទាប់ពីភាគីខាងប្រុសប្រាប់ថា លោកលែងមានអ្វី ត្រូវនិយាយហើយ។
ញ៉ែម សំអូន ឆ្លើយដូច្នេះ បន្ទាប់ពីក្រុមអ្នក សារព័ត៌មានជាច្រើន បានជជីកសួរ រកការវិវត្តនៃដំណើរ រឿងរបស់ពួកគេ ព្រោះបន្ទាប់ពីកើត រឿងហើយទៅដល់ អូស្ត្រាលី យ៉ាន លីនដា ព្រលយថានឹងប្ដឹងលែងលះ។ ឯភាគីខាង ប្រុសនេះវិញ ក្រោយពីបរាជ័យ ក្នុងការសុំទោស ចំពោះកំហុសរបស់ខ្លួន ដែលជ្រុលបង្ក ហិង្សាលើភរិយា និងរឿងរ៉ាវផ្សេងៗទៀតនោះ ក៏នៅតែបន្ត ការងារនៅស្រុកខ្មែរមិនខ្ចីទៅ តាមភរិយាឡើយ។
ជុំវិញសាច់រឿងទាំងនេះ យ៉ែម សំអូន និយាយយ៉ាងខ្លី ជាមួយសារព័ត៌មាន នាឱកាសនោះថា ” ខ្ញុំសូមមិននិយាយ អ្វីទាំងអស់ ខ្ញុំគិតថា ខ្ញុំបានធ្វើអ្វី គ្រប់គ្រាន់អស់ហើយ ខ្ញុំរង់ចាំតែ ពេលវេលាប៉ុណ្ណោះដែលអាចបញ្ជាក់បាន”។ នៅពេលក្រុម អ្នកសារព័ត៌មាន បន្តសួរបញ្ជាក់ថា តើចំណងស្នេហ៍ របស់លោកអាច វិលរកសភាព ដើមវិញទេ? តារាប្រុសដែល ចាប់ផ្ដើមល្បីឈ្មោះ តាមរយៈបទ “ចំប៉ាប៉ោយប៉ែត” រូបនេះ លើកឡើងថា បើលោកឆ្លើយថា អាចវិញមកវិញ ហាក់បីដូចជា លោកច្បាស់ក្នុងចិត្តពេក។
ដូចនេះហើយ លោកបានត្រឹម ស្នើឲ្យទស្សនិកជន រង់ចាំតាមដាន ទាំងអស់គ្នាប៉ុណ្ណោះ។ លោក ញែម សំអូន ត្រូវបាន អ្នកនាង យ៉ាន លីនដា ចោទថាមានទំនាក់ទំនង ស្នេហាជាមួយ តារាប្រុសក្មេងម្នាក់ដែលស្ថិត ក្នុងក្រុមបង្ហាញម៉ូដ cambodia supermodel ប៉ុន្តែរហូតមក ទល់ពេលនេះ តារាប្រុសម្នាក់នោះ នៅមិនទានវែកមុខ ឃើញនៅឡើយទេ។ ជាមួយគ្នានោះដែរ លោកក៏ត្រូវបានភរិយាដដែលនោះចោទថា បានប្រើអំពើហិង្សា ធ្វើឲ្យនាងមាន របួសលើរាងកាយ ទើបជាហេតុធ្វើឲ្យនាងអស់ការស៊ូទ្រាំ ហើយចេញទៅ អូស្ត្រាលីជួបជុំ គ្រួសារនៅទីនោះ។
ថ្មីៗនេះផងដែរ អ្នកនាង យ៉ាន លីនដា បានផ្ដល់បទសម្ភាសន៍ ដល់បណ្ដាញសារព័ត៌មាន ក្នុងស្រុកមួយចំនួនថា បានឲ្យមេធាវី ដាក់ពាក្យបណ្ដឹងលែងលះ ជាមួយលោក ញ៉ែម សំអូន ទៅតុលាការ រួចរាល់អស់ហើយ រង់ចាំ តុលាការកោះ ហៅតែប៉ុណ្ណោះ៕
ដកស្រង់ពី៖ Sabay
រូបភាពចំនួន មួយសន្លឹកត្រូវបាន បង្ហោះលើបណ្ដាញសង្គម ត្រូវគេសន្និដ្ឋានថា ជារូបភាពនៃទូរសព្ទ Blackberry ស៊េរីថ្មី ដែលគ្រោងនឹង ប្រកាសនាពេលខាងមុខនេះ។
រូបភាពមួយសន្លឹក នោះត្រូវបានបង្ហោះ ចេញពីគណនី បណ្ដាញសង្គម Twitter ដែលមានឈ្មោះ@evleak ហើយនាពេលកន្លង មកគណនីនេះក៏ ធ្លាប់បានបង្ហោះ នូវរូបភាពបែកធ្លាយ នៃទូរសព្ទជាច្រើនម៉ូដែលរួចមកហើយ។ ចំពោះរូបភាព Blackberry ដែលគេបានបង្ហោះ នេះមានឈ្មោះថា Venice ដើរដោយប្រព័ន្ធប្រតិបត្តិការ Android របស់ Google។
វាគឺជាទូរសព្ទប្រភេទ រុញមានមក ជាមួយនូវ Keyboard ដែលមានការ រចនារូបរាង យ៉ាងស្រស់ស្អាត ជាពិសេសគឺគែម នៃទូរសព្ទមានសភាព កោងស្រដៀងគ្នា ទៅនឹង Galaxy S6 Edge។ យោងតាមវិបសាយ The Verge បានឲ្យដឹងថា Blackberry Venice នេះគ្រោងនឹងវាយ លុកចូលទីផ្សារសហរដ្ឋអាមេរិក នាខែកញ្ញាខាងមុខនេះ។
ទោះជាយ៉ាងណា គេមិនទាន់ដឹងច្បាស់ អំពីតម្លៃនិង លក្ខណៈសម្បត្តិនៃទូរសព្ទនេះ នៅឡើយនោះទេ៕
ដកស្រង់ពី៖ Sabay
“ខ្ញុំសុំមិននិយាយ ពីម៉ាកឡានទេ ប៉ុន្តែខ្ញុំអាចនិយាយថា ឡានដែលខ្ញុំជិះ កន្លងមកអត់ ថ្លៃដូចគេទេ ហើយដូរអស់ ៣គ្រឿងហើយ” នេះជាការ លើកឡើង របស់កញ្ញា ឌុច លីដាប្រាប់ Sabay ក្នុងថ្ងៃខួបកំណើត គង់ ចាន់ស្រីមុំ យប់ម្សិលមិញ។
Read more: តាំងពីចូលសិល្បៈ ដឹងថា ឌុច លីដា ប្ដូររថយន្តប៉ុន្មានគ្រឿងអត់?
ក្រុមហ៊ុន Motorola ត្រៀមផលិត នាឡិកាអេឡិចត្រូនិក Moto 360 ស៊េរីថ្មី២ម៉ូដែលទៀតគឺ «360S» និង «360L» ។
Read more: នាឡិកាអេឡិចត្រូនិក Moto 360 របស់ក្រុមហ៊ុន Motorola...
ប្រិយមិត្តដែល ប្រើប្រាស់ទូរស័ព្ទស្មាតហ្វូន មួយចំនួនប្រាកដជា ធ្លាប់បានឮថា ការប្រើប្រាស់ ផ្ទាំងរូបភាពពណ៌ខ្មៅ អាចជួយសន្សំសំចៃ ថាមពលថ្មនៃទូរសព្ទបាន។
ពិតមែនហើយ ការប្រើប្រាស់ផ្ទាំងរូបភាព ពណ៌ខ្មៅ គឺអាចជួយសន្សំសំចៃ ថាមពលថ្មបាន តែមិនមែនបាន គ្រប់ប្រភេទទូរស័ព្ទនោះទេ។ ប្រភេទអេក្រង់ ដែលគេប្រើសម្រាប់ បំពាក់លើស្មាតហ្វូននាពេលបច្ចុប្បន្ននេះមានពីរប្រភេទគឺ AMOLED និង LCD ដែលវាមានចំណុចខុស គ្នាមួយចំនួន ជាក់ស្ដែងគឺ តម្រូវការថាមពលថ្ម របស់វាមានកម្រិតខុសគ្នា។ AMOLED៖ តាមរយៈការ ធ្វើតេស្តមួយបានបង្ហាញថា អេក្រង់ AMOLED អាចធ្វើការសន្សំ សំចៃថាមពលថ្ម បានចំនួន ៦% ក្នុងមួយម៉ោង ប្រសិនបើប្រើ ផ្ទាំងរូបភាពពណ៌ខ្មៅ ក្នុងកម្រិតពន្លឺ២០%។
ចំណែកឯការ ធ្វើតេស្តមួយទៀត ក្នុងវិធីផ្សេងគ្នា បានបង្ហាញថា ការប្រើផ្ទាំងរូបភាព ពណ៌ខ្មៅអាចសន្សំសំចៃថ្ម បានដល់ទៅ១៨% ពេញមួយថ្ងៃ។ មូលហេតុដែល ធ្វើឲ្យវាសន្សំសំចៃ ថាមពលថ្មបានក៏ព្រោះតែ AMOLED ផលិតពីសារធាតុម្យ៉ាង ដែលអាចបង្កើត ពន្លឺដោយខ្លួនឯង នៅពេលដែលមាន ចរន្តឆ្លងកាត់។ LCD៖ សម្រាប់ទូរសព្ទដែល ប្រើប្រាស់អេក្រង់ LCD វិញ គឺមិនអាចសន្សំសំចៃថ្មបាននោះទេ ទោះជាប្រើផ្ទាំង រូបភាពពណ៌ខ្មៅក៏ដោយ។
មូលហេតុនោះគឺ ដោយសារតែ LCD មិនបញ្ចេញពន្លឺ ដោយខ្លួនឯង បាននោះទេ គឺវាជាអ្នកបញ្ជូនពន្លឺ ពីប្រភពពន្លឺដែល ស្ថិតនៅខាងក្រោយវា។ ហើយវិធីដែលអាច សន្សំសំចៃថ្មបានគឺ មានតែប្រើប្រាស់ពន្លឺភ្លើង កុំឲ្យភ្លឺខ្លាំងពេក និងកំណត់ទូរសព្ទឲ្យ រលត់អេក្រង់ក្នុង រយៈពេលលឿន។ *បញ្ជាក់៖ សម្រាប់អ្នកដែល មានស្មាតហ្វូន អេក្រង់ប្រភេទ AMOLED ក្រៅពីប្រើប្រាស់ផ្ទាំង រូបភាពពណ៌ខ្មៅដើម្បីសន្សំ សំចៃថាមពលហើយ អ្នកក៏អាចធ្វើការ កំណត់នូវ Theme នៃកម្មវិធីមួយចំនួន ឲ្យទៅជាពណ៌ខ្មៅ ដើម្បីអាចសន្សំថ្ម បានកាន់តែច្រើន។
សម្រាប់អ្នកដែល ចង់ទាញយកផ្ទាំង រូបភាពពណ៌ខ្មៅ អាចទាញយក ដោយចុចត្រង់នេះ។ Nexus 5, LG G3, Xperia Z3 និង iPhone 6 បំពាក់ត្រឹមអេក្រង់ LCD។ ទូរសព្ទម៉ូដែលថ្មីរបស់ Samsung Galaxy Note 5 និង edge 6+ ទើបមានបំពាក់អេក្រង់ AMOLED៕
Galaxy Note 5 ត្រូវបានបង្ហាញ ណែនាំខ្លួន រួម ជាមួយនឹង Galaxy S6 Edge+ នៅក្នុងព្រឹត្តិការណ៍ធំ មួយកាលពីយប់ថ្ងៃទី ១៣ ខែសីហា ថ្មីៗនេះ។
Read more: រូបភាពដំបូងគេមួយចំនួន ថតចេញពីកាមេរ៉ា Galaxy Note 5 ច្បាស់ត្រជាក់ភ្នែក យ៉ាងណាដែរ?
ហ្វីលីពីន៖ តារាសម្តែង ដ៏ល្បីល្បាញ ជនជាតិហ្វីលីពីន ដែលគ្រប់គ្នា ស្គាល់ថាជានាង ដេស៊ីប៊ែល(នាងមច្ឆា) នាង Marian Rivera បានបង្ហោះរូបភាព ផ្អែមល្ហែមជាមួយស្វាមី ក្នុងថ្ងៃខួបកំណើត គម្រប់៣១ឆ្នាំ ខណៈផ្ទៃពោះ របស់កាន់តែ ធំឡើង។
Read more: នាង Marian Rivera ហៅ «ដេស៊ីប៊ែល» ទៅធ្វើខួបកំណើត នៅកន្លែងសាងស្នេហ៍ដំបូង...
ភ្នំពេញ៖ កម្មវិធីប្រឡងចម្រៀង ដ៏ល្បីល្បាញ«The Voice Cambodia» នឹងចាប់ផ្ដើម រដូវកាលទី២របស់ខ្លួន ក្នុងពេលឆាប់ៗនេះហើយ បន្ទាប់ពីទទួលបាន ភាពជោគជ័យ យ៉ាងសម្បើម កាលពីរដូវកាលទី១ ខណៈមានអ្នកគាំទ្រ កម្មវិធីលំដាប់ ពិភពលោកនេះ រាប់ម៉ឺននាក់ បើទោះបីជា មានរឿងរ៉ាវ ចម្រូងចម្រាស់គ្នា ទៅលើគ្រូបង្វឹក ក្នុងវិធីនេះកើតមាន ឡើងបន្តិចបន្ទួចក្ដី។
Read more: កម្មវិធីលំដាប់ពិភពលោក «The Voice Cambodia» ជិតឈានដល់រដូវកាលទី២...
ក្រុមហ៊ុន Samsung បានធ្វើការប្រកាស នូវទូរសព្ទបត់ អេក្រង់ពីរ ម៉ូដែល G9198 សម្រាប់លក់នៅ លើទីផ្សារប្រទេសចិន ដោយសមត្ថភាពរបស់វា គឺមិនចាញ់ Galaxy S6 ឡើយ។
Read more: Samsung ប្រកាសទូរសព្ទបត់អេក្រង់ពីរ សមត្ថភាពមិនចាញ់ Galaxy S6
នៅក្នុងព្រឹត្តិការណ៍ ប្រកាស Galaxy Note 5 និង Galaxy S6 Edge+ កាលពីប៉ុន្មាន ថ្ងៃមុន Samsung បានពញ្ញាក់អារម្មណ៍ ទស្សនិកជនដែល ចូលរួមព្រឹត្តិការណ៍ប្រហែល ៣០វិនាទី ដោយការបញ្ចេញរូបរាង អនាគត Smartwatch របស់ខ្លួនឈ្មោះ Gear S2 ដែលល្បីថា ដំណើរការដោយ Tizen OS។
បើតាមការ បញ្ជាក់ពីប្រភព ច្បាស់ការមួយចំនួន Gear S2 រាងមូលនេះ ពុំបានចាប់យក Android ជាប្រព័ន្ធប្រតិបត្តិការនោះទេ តែបែរជា Tizen OS ដែល Samsung តែងតែយកចិត្ត ទុកដាក់ផលិតយ៉ាងម៉ត់ចត់កន្លង មកទៅវិញ។មូលហេតុដែល ហ៊ានបញ្ជាក់ថា Gear S2 ប្រើ Tizen OS គឺដោយសារ UI របស់វាមាន រាងមូលប្លែក ដែលខុសពីប្រព័ន្ធ ប្រតិបត្តិការ Android Wear ធ្លាប់តែបំពាក់លើ Samsung Gear 2 ស៊េរីមុនៗ។
លក្ខណៈពិសេសក៏ ដូចជារូបរាង ពេញលេញរបស់ Gear S2 នេះនឹងត្រូវ លាតត្រដាងនៅក្នុង ព្រឹត្តិការណ៍ IFA នៅទីក្រុង ប៊ែរឡាំងនាខែក្រោយនេះ។ ចាំមើលថា បើ Gear S2 បំពាក់ Tizen OS មិនមែន Android Wear តើអាចនឹងទាញ យកចំណែកទីផ្សារ Smartwatch បានដែរទេ ខណៈបច្ចុប្បន្ន Apple Watch កំពុងតែលេប ចំណែកទីផ្សារមួយភាគ ធំហើយនោះ?
ដកស្រង់ពី៖ Sabay
បន្ទាប់ពី បញ្ចេញរបាយការណ៍ ចំណូលត្រីមាស ទីពីរ២០១៤/២០១៥ ខាតបង់ ១,០២ពាន់លាន ដុល្លារអាមេរិក ក្រុមហ៊ុនតៃវ៉ាន់ HTC ប្រកាសជម្រុះ បុគ្គលិកជាង ២ពាន់តំណែង ដើម្បីស្ដារស្ថានភាពហិរញ្ញវត្ថុ ដែលកំពុងដាំទីង របស់ខ្លួនឡើងវិញ។
មុននេះបន្តិច ដំណឹងបញ្ឈរជើងបុគ្គលិក ទូទាំងពិភពលោកជាង ២ ២៥០នាក់ ឬស្មើនឹង ១៥%នៃចំនួន បុគ្គលិកសរុប ពីលើការកាត់បន្ថយ ចំណាយទៅលើ សង្វាក់ផលិតកម្ម ហោចណាស់ ៣៥% រហូតដល់ដើមឆ្នាំ ២០១៦។ លំហូរសាច់ប្រាក់ ធ្លាក់ចុះស្ទើរ ១០០ភាគរយ (ពី ៦៥,១ពាន់លាន ដុល្លារតៃវ៉ាន់ មកសល់ត្រឹមតែ ៣៣ពាន់លានដុល្លារតៃវ៉ាន់) នៃពាណិជ្ជកម្មទូរសព្ទដៃ ពិតជាមុខរបួស បន្តបង្កការឈឺចាប់ ដល់ចំណូលក្នុង ត្រីមាសទី៣ឆ្នាំ ២០១៥នេះ (ពី ៣៣ពាន់លានដុល្លារតៃវ៉ាន់ ទៅប្រមាណ ២០ ពាន់លានដុល្លារតៃវ៉ាន់) ។
Androidauthority ស្រង់សំដីរបស់ នាយិកាHTC អ្នកស្រី Cher Wang ដូច្នេះថា “យើងត្រូវការក្រុមការងារ ដែលចេះបត់បែន អត់ធន់សកម្ម និងវាងវៃ សម្លឹងមើល និងចាប់ឲ្យបាន ឱកាសក្នុងទីផ្សារប្រកួតប្រជែង ជាពិសេសលើផ្នែក ការផ្សារភ្ជាប់Lifestyle របស់មនុស្សសម័យទំនើប”។ ទោះបីជាមួយ រយៈចុងក្រោយនេះ ត្រកូលM (M7-M8-M9) និង Desire របស់HTC មិនមានលទ្ធភាពគ្រប់គ្រាន់ក្នុងការ ជ្រែកដណ្ដើមចំណែក ទីផ្សារពីiPhone និង ត្រកូល Galaxy/NOTE បានច្រើន ប៉ុន្តែក្រុមហ៊ុនចិនតៃវ៉ាន់ មួយនេះនៅ តែមិនបោះបង់ និងបន្តមហិច្ឆតា រត់ប្រណាំងលើបច្ចេកវិទ្យាSmartphone ក្នុងទីផ្សារដ៏តូច ចង្អៀតដែលApple និង Samsung បន្សល់ទុកដដែល។
ដកស្រង់ពី៖ Sabay
ប៉ុន្មានឆ្នាំចុង ក្រោយនេះទស្សនិកជន បានកត់សម្គាល់ឃើញ តារាតារាចម្រៀង សំឡេងស្រទន់ មាស សុខសោភា ចូលចិត្តស្លៀកពាក់ សិចស៊ីជាខ្លាំង។
មានសិល្បៈមួយ ចំនួនបានលើកឡើងថា ទម្រង់មុខរបស់ តារាសម្ដែង មាស ថនស្រីណៃ ដូចគ្នាទៅនឹង ទម្រង់មុខរបស់ តារាស្រី ២ ដួងទៀត គឺកញ្ញា ឡូរ៉ា ម៉ម និង តារារ៉ាយ ព្រះកាយច័ន្ទ។ ពាក់ព័ន្ធរឿងនេះ មាស ថនស្រីណៃ បញ្ជាក់ថា៖ “មិនត្រឹមតែ អ្នកសិល្បៈទេ សូម្បីតែអ្នកក្រៅ ក៏គេថា មុខខ្ញុំដូចពួកគាត់ដែរ”។
តារាបង្ហាញម៉ូដ រូបនេះបន្តថា នាងមិនប្រាកដ ខ្លួនឯងទេថា នោះជាការបញ្ចើចបញ្ចើ ឬការពិតយ៉ាងណាទេ ប៉ុន្តែ ការលើកឡើងបែបនេះ កើតមានឡើងជារឿយៗ ចេញពីមាត់អ្នក រួមអាជីពសិល្បៈដូចគ្នា ជាពិសេសរាល់ ពេលទៅចូលរួម កម្មវិធីផ្សេងៗ។ តារាវ័យ ២៣ ឆ្នាំដដែលអះអាងថា ប្រហែលជាមានលក្ខណៈ ដូចគ្នាតិចតួចជាមួយ តារាសញ្ជាតិអាមេរិក ដែលកំពុងឆក់យកបេះដូងយុវវ័យខាងលើ។
អតីតបេក្ខភាព Spy Supper Model បន្តដោយយោងតាម សំដីរបស់អ្នក រួមអាជីពថា នាងមានទម្រង់មុខ ស្រដៀងគ្នាទៅនឹង ឡូរ៉ា ម៉ម ត្រង់មានច្រមុះស្រួច និង ថ្គាមខ្លាដូចគ្នា។ សាមីខ្លួន ថនស្រីណៃ ក៏លើកឡើងដែរថា អ្នកទាំងពីរអាចមាន ស្មាបើកដូចគ្នាដែរ។ ថនស្រីណែន បន្តថា៖”ចំពោះអ្នកខ្លះទៀតថា ខ្ញុំមានទម្រង់មុខស្រដៀង ព្រះកាយច័ន្ទ តែពេលផាត់មុខ ឡើងប៉ុស្តិ៍ទូរទស្សន៍ប៉ុណ្ណោះ បើខាងក្រៅវិញខុសគ្នាដាច់”។
តារារូបនេះបន្ថែមថា បើនិយាយពី រូបរាងកាយវិញ ក៏មានលក្ខណៈ ដូចគ្នាដែរ ព្រោះ ព្រះកាយច័ន្ទ ជាអ្នកធ្លាប់ ហាត់របាំបុរាណ ដូច្នេះរាងរៅសមសួន ទៅតាមហ្នឹងដែរ ហើយក៏ស្រឡូនជាងនាងដែរ៕
ដកស្រង់ពី៖ sabay