បណ្តាញសង្គម

ខ្លាំង​មែន​! រក​សី​ុ​គ្រឿងញៀនប្រើ​សុទ្ធតែ​ដ្រូ​នតាមដាន​សមត្ថកិច្ច​

ខេត្តស្ទឹងត្រែង ៖ ជនសង្ស័យចំនួន២នាក់ត្រូវកម្លាំងការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តស្ទឹងត្រែងឃាត់ខ្លួន ក្រោយធ្វើសកម្មភាពរក្សាទុក និងចែកចាយនូវសារធាតុញៀខុសច្បាប់ ។ទាក់ទិននឹងករណីខាងលើនេះ សមត្ថកិច្ចបានបញ្ជាក់ថា ការបង្ក្រាបឃាត់ខ្លួនជនសង្ស័យទាំង២នាក់ខាងលើនេះ កម្លាំងជំនាញបានធ្វើឡើងនៅទីតាំង២ផ្សេងគ្នា ។

ដោយម្នាក់ឃាត់ខ្លួននៅស្រុកសៀមប៉ាង និងម្នាក់ទៀតឃាត់ខ្លួននៅក្នុងក្រុងស្ទឹងត្រែងក្នុងថ្ងៃរយៈពេល២បន្តបន្ទាប់គ្នាគឺថ្ងៃទី៩ និងទី១០ ខែឧសភា ឆ្នាំ២០២០នេះ ។

នគរបាលការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តឲ្យដឹងថា កម្លាំងអធិការដ្ឋាននគរបាលស្រុកសៀមប៉ាងបានចុះបង្ក្រាបករណីជួញដូរ និងរក្សាទុកដោយខុសច្បាប់នូវសារធាតុញៀននៅចំនុចភូមិញ៉ាំងស៊ុម ឃុំសេកុង ស្រុកសៀមប៉ាង ។

ក្នុងនោះសមត្ថកិច្ច ដកហូតបាននូវវត្ថុតាងថ្នាំញៀនប្រភេទមេតំហ្វេតាមីន ម្សៅថ្លាពណ៌ស (Ice) ចំនួន៦កញ្ចប់តូច និងបានឃាត់ខ្លួនជនសង្ស័យបានម្នាក់ ឈ្មោះ បាង សុគា ភេទប្រុស អាយុ៤១ឆ្នាំ មុខរបរកសិករ មានទីលំនៅក្នុងភូមិញ៉ាំងស៊ុម ឃុំសេកុង ស្រុកសៀមប៉ាង កាលពីវេលាម៉ោង១និង៥នាទីក្នុងថ្ងៃទី៩ ខែឧសភា ឆ្នាំ២០២០។

ក្រោយការសារភាពរបស់ជនសង្ស័យឈ្មោះបាង សុគា នៅព្រឹកថ្ងៃទី១០ ឧសភានេះ កម្លាំងសមត្ថកិច្ចជំនាញ បានបន្តទៅចុះឆែកឆេរលំនៅដ្ឋានឈ្មោះ សុខ ជីវិន ភេទប្រុស អាយុ៤០ឆ្នាំ មុខរបរលក់ដូរ ស្ថិតនៅក្នុងភូមិហាងខូបាន សង្កាត់សាមគ្គី ក្រុងស្ទឹងត្រែង ក្នុងនោះដែរ សមត្ថកិច្ចរកឃើញវត្ថុតាងថ្នាំញៀនប្រភេទមេតំហ្វេតាមីន(Ice) បានចំនួន២កញ្ចប់ទៀត។

នគរបាលប្រឆាំងគ្រឿងញៀនបានបន្តឲ្យដឹងទៀតថា ជនសង្ស័យ ឈ្មោះ សុខ ជីវិន គឺជាមុខសញ្ញាចាស់ ដែលសមត្ថកិច្ចបានធ្វើការឡោមព័ទ្ធផ្ទះចំនួន៣លើកមកហើយ តែមិនអាចបង្ក្រាបបានឡើយ ដោយជនល្មើសបានប្រើប្រាស់ឧបករណ៍ដ្រូនចាប់រូបភាពសម្រាប់ឃ្លាំមើលពីសកម្មភាពរបស់សមត្ថកិច្ច ហេតុនេះហើយទើបសមត្ថកិច្ចមិនអាចបំបែកករណីល្មើសច្បាប់បាន រហូតមកដល់ពេលនេះ ដោយផ្អែកលើចម្លើយសារភាពពីបក្ខពួក រួមផ្សំនឹងវត្ថុតាងបទល្មើសជាក់ស្តែងផងនោះ ទើបសមត្ថកិច្ចបានឃាត់ខ្លួនជនសង្ស័យតែម្តង ។

បច្ចុប្បន្ន ជនសង្ស័យទាំងពីរនាក់រួមនឹងវត្ថុតាងបទល្មើសគ្រឿងញៀន កំពុងត្រូវបានសមត្ថកិច្ចជំនាញ នៃការិយាល័យប្រឆាំងគ្រឿងញៀន កសាងសំណុំរឿង ដើម្បីត្រៀមបញ្ជូនទៅកាន់អយ្យការអមសាលាដំបូងខេត្តចាត់ការទៅតាមនិតិវិធីច្បាប់ ៕

ដកស្រង់ពី៖កោះសនត្តិភាព

រឿងបោកឆ្នាំងបាយចោល ប្អូនជាប់ខ្នោះ បងដេកពេទ្យ​

ខេត្តតាកែវ ៖ ជនសង្ស័យជាប្អូនត្រូវប៉ូលិសចាប់វាយខ្នោះ ចំណែកជនរងគ្រោះជាបងដែលរងរបួសធ្ងន់ត្រូវបញ្ជូនទៅមន្ទីរពេទ្យ បន្ទាប់ពីជនសង្ស័យជាប្អូនផឹកស្រវឹងហើយបោកឆ្នាំងបាយចោល លុះពេលជនរងគ្រោះស្តីបន្ទោស ធ្វើឱ្យជនសង្ស័យជាប្អូនខឹងក៏បានទាញកាំបិតបុ័ងតោកាប់ បណ្តាលឲ្យជនរងគ្រោះជាបងរងរបួសធ្ងន់ ។

អាន​បន្ត៖ រឿងបោកឆ្នាំងបាយចោល ប្អូនជាប់ខ្នោះ បងដេកពេទ្យ​

រកមូលហេតុឃើញហើយ ពាក់ព័ន្ធ​ករណីភ្លើងឆេះអាស្រមតម្កល់ព្រះពុទ្ធរូប​

ខេត្តស្ទឹងត្រែង ៖ កាលពីថ្ងៃទី៦ ឧសភា សមត្ថកិច្ចបានបើកការសើុបអង្កេត និងរកមូលហេតុឃើញហើយពាក់ព័ន្ធករណីអគ្គិភ័យឆាបឆេះអាស្រមតម្កល់ព្រះពុទ្ធរូបមួយខ្នង គឺបង្កឡើងដោយការលួចដុត ព្រមទាំងឈានដល់ឃាត់ខ្លួនជនសង្ស័យម្នាក់ជាកម្មកររបស់ម្ចាស់អាស្រមកើតហេតុខាងលើ ព្រមទាំងដកហូតវត្ថុតាងផងដែរ។

អាន​បន្ត៖ រកមូលហេតុឃើញហើយ ពាក់ព័ន្ធ​ករណីភ្លើងឆេះអាស្រមតម្កល់ព្រះពុទ្ធរូប​

មិននឹកស្មាន​ផ្ទះ​សំណាក់​យីហោ​«៦៦» ពួកគេ​ប្រព្រឹត្តយ៉ាង​គគ្លើន​​ចឹង​​​សោះ

ខេត្តតាកែវ ៖ ក្រុមស្ទាវប្រុស-ស្រីចំនួន១៣នាក់ ដែលបានពួនសំងំពពាក់ពពូនគ្នាដើម្បីប្រើប្រាស់គ្រឿងញៀននៅក្នុងផ្ទះសំណាក់ ត្រូវបានកំលាំងប៉េអឹមខេត្ត ក្រោមធ្វើការបង្ក្រាបបានទាំងសំបុកជាមួយនឹងវត្ថុតាងជាក់ស្តែង រួចបញ្ជូនមកកាន់ការិយាល័យប្រឆាំងការជួញដូគ្រឿងញៀនខេត្តចាត់ការបន្ត ។

អាន​បន្ត៖ មិននឹកស្មាន​ផ្ទះ​សំណាក់​យីហោ​«៦៦» ពួកគេ​ប្រព្រឹត្តយ៉ាង​គគ្លើន​​ចឹង​​​សោះ

ចិនតាមរក​ចិន​ធ្លាប់ចាប់ជំរិតខ្លួន លុះ​រក​ឃើញ​កក្រើក​ជ្រោយចង្វា

រាជធានីភ្នំពេញ ៖ ជនជាតិចិនមួយក្រុមតាមរកជនជាតិចិនមួយក្រុមផ្សេងទៀតដែលជាក្រុមធ្លាប់ចាប់ជំរិតខ្លួនចំនួន២ដងរួចមកហើយ លុះប្រទះឃើញក៏មានការផ្ទុះអាវុធនិងកាន់ដាវសាំម៉ូរ៉ៃដេញកាប់គ្នាបណ្តាលឲ្យរងរបួស២នាក់ ហើយត្រូវសមត្ថកិច្ចចាប់វាយខ្នោះបានម្នាក់ បង្កឲ្យមានការភ្ញាក់ផ្អើលកាលពីវេលាម៉ោង៣និង១៥នាទីទៀបភ្លឺថ្ងៃទី៦ ខែឧសភា ឆ្នាំ២០២០ តាមបណ្តោយផ្លូវទន្លេមេគង្គក្បែរនឹងម៉ាស៊ីនបូមទឹក ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ ។

អាន​បន្ត៖ ចិនតាមរក​ចិន​ធ្លាប់ចាប់ជំរិតខ្លួន លុះ​រក​ឃើញ​កក្រើក​ជ្រោយចង្វា

ភ្លើងកំពុងឆេះសិប្បកម្ម​មួយ​កន្លែង​ធ្ងន់​ធ្ងរ​ខ្លាំង​​ណាស់​

ខេត្តព្រះសីហនុ៖ កំពុងមានការភ្ញាក់ផ្អើលយ៉ាងខ្លាំង ហើយសមត្ថកិច្ចក៏កំពុងអន្តរាគមន៍បាញ់ទឹកពន្លត់ភ្លើងដែលឆាបឆេះផ្សែងហុយឡើងខ្មៅខ្មួលខ្មាញ់ ក្នុងរោងសិប្បកម្មផលិតកេសស្នោមួយកន្លែង នៅខាងលិចផ្សារត្រពាំងរពៅ ជាប់ផ្លូវជាតិលេខ៣(វាលរេញ.កំពត) ក្នុងភូមិព្រែកប្រស់ ឃុំទឹកថ្លា ស្រុកព្រៃនប់ ខេត្តព្រះសីហនុ ។

អាន​បន្ត៖ ភ្លើងកំពុងឆេះសិប្បកម្ម​មួយ​កន្លែង​ធ្ងន់​ធ្ងរ​ខ្លាំង​​ណាស់​

តុលាការសម្រេចហើយ! ជនម្នាក់ខឹងរឿង​សុំ​សាកថ្មទូរស័ព្ទអត់ចូល ផ្ទុះកំហឹងដេញកាប់ម្ចាស់​ផ្ទះ​

ខេត្តកណ្តាល ៖ បុរសម្នាក់ដើរផឹកស៊ីហើយរករឿងដេញវាយកាប់អ្នកដទៃ ត្រូវបានលោក អាត ចន្ទ័ដារា ចៅក្រមស៊ើបសួរសាលាដំបូងខេត្តកណ្តាល កាលពីល្ងាចថ្ងៃទី៤ ខែឧសភា ឆ្នាំ២០២០ បានសម្រេចចេញដីការឃុំខ្លួន ដាក់ពន្ធនាគារបណ្តោះអាសន្នពីបទ «ហិង្សាដោយចេតនា និងធ្វើឲ្យខូចខាតដោយចេតនា» តាមមាត្រា២១៧ និងមាត្រា៤១០ នៃក្រមព្រហ្មទណ្ឌ ដែលប្រព្រឹត្តនៅភូមិស្ទឹងជ្រៅ សង្កាត់ដើមមៀន ក្រុងតាខ្មៅ ខេត្តកណ្តាល កាលពីវេលាម៉ោង១និង៣០នាទីរសៀលថ្ងៃទី៣ ខែឧសភា ឆ្នាំ២០២០ ។

អាន​បន្ត៖ តុលាការសម្រេចហើយ! ជនម្នាក់ខឹងរឿង​សុំ​សាកថ្មទូរស័ព្ទអត់ចូល...

​វាសនាកូន​វាយ​ម្តាយ​​ព្រោះតែរឿង​​កង់​ ត្រូវតុលាការសម្រេចហើយ

ខេត្តកណ្ដាល ៖ ជនសង្ស័យជាកូនប្រុសម្នាក់ គ្រាន់តែម្ដាយសួរនាំរឿងធ្វើឱ្យកង់ដួល ក៏ស្ទុះទៅយកដុំឥដ្ឋប្រហោងវាយប្រហាមកលើម្ដាយឪពុក និងអ្នកជិតខាងបណ្តាលឱ្យរងរបួសចំនួន៣នាក់ ហើយបំផ្លិចបំផ្លាញទ្រព្យសម្បត្តិនៅក្នុងផ្ទះអស់ទៀត ត្រូវបានលោក វ៉ាន់ សុបញ្ញា ចៅក្រមសើបសួរសាលាដំបូងខេត្តកណ្តាល កាលពីល្ងាចថ្ងៃទី៤ ខែឧសភា ឆ្នាំ២០២០ សម្រេចចេញដីការឃុំខ្លួនដាក់ពន្ធនាគារបណ្តោះអាសន្នពីបទ «ហិង្សាដោយចេតនា និងធ្វើឲ្យខូចខាតដោយចេតនា» តាមមាត្រា២១៧ និងមាត្រា៤១០ នៃក្រមព្រហ្មទណ្ឌ ដែលបានប្រព្រឹត្តនៅភូមិប្រឡាយ ឃុំបឹងខ្យាង ស្រុកកណ្ដាលស្ទឹង ខេត្តកណ្តាល កាលពីវេលាម៉ោង២និង៣០នាទីរសៀលថ្ងៃទី៣ ខែឧសភា ឆ្នាំ២០២០ ។ ជនត្រូវចោទឈ្មោះដា រ៉ា ភេទប្រុស អាយុ២១ឆ្នាំ មុខរបរមិនពិតប្រាកដ រស់នៅភូមិឃុំកើតហេតុខាងលើ ។

អាន​បន្ត៖ ​វាសនាកូន​វាយ​ម្តាយ​​ព្រោះតែរឿង​​កង់​ ត្រូវតុលាការសម្រេចហើយ

ជន​ញៀន​ល្បែង​ម្នាក់ ត្រូវ​​តុលាការ​សម្រេច​ហើយ​

ខេត្តកណ្តាល ៖ ជនសង្ស័យល្បែងអាប៉ោងម្នាក់ កាលពីល្ងាចថ្ងៃទី៤ ខែឧសភា ឆ្នាំ២០២០ ត្រូវបានលោក អាត ចន្ទ័ដារា ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីកាឃុំខ្លួនដាក់ពន្ធនាគារបណ្តោះអាសន្នពីបទ «លេងល្បែងស៊ីសងខុសច្បាប់ មិនរាងចាល» តាមកឋាខណ្ឌ៤ ច្បាប់ស្តីពីការបង្ក្រាបល្បែងស៊ីសង ដែលបានប្រព្រឹត្តនៅភូមិព្រែករុន ឃុំព្រែកគយ ស្រុកស្អាង ខេត្តកណ្ដាល កាលពីវេលាម៉ោង៧និង៣០នាទីយប់ថ្ងៃទី៣ ខែឧសភា ឆ្នាំ២០២០ ។

អាន​បន្ត៖ ជន​ញៀន​ល្បែង​ម្នាក់ ត្រូវ​​តុលាការ​សម្រេច​ហើយ​

​ប្រជាពលរដ្ឋ​​​ព្រួយ​បារ​ម្ភ​ពី​អនាគត​កូនចៅ ​ខណៈ​បទល្មើសដដែលៗ​អុក​ឡុកមូលដ្ឋាន​

ខេត្តព្រៃវែង ៖ លោក សន ឈឿន មេឃុំច្រេស បានឱ្យដឹងថា បច្ចុប្បន្នទាំងអាជ្ញាធរ និងប្រជាពលរដ្ឋ នៅក្នុងមូលដ្ឋានរបស់លោកកំពុងមានការព្រួយបារម្ភខ្លាំងណាស់ ចំពោះបញ្ហាគ្រឿងញៀន ព្រោះក្រុមជនល្មើសបានលួចចែកចាយរហូតដល់តាមភូមិទៅហើយ ទាំងដែលសមត្ថកិច្ចខំប្រឹងបង្ក្រាប និងចាប់យ៉ាងណាក៏មិនអស់។

អាន​បន្ត៖ ​ប្រជាពលរដ្ឋ​​​ព្រួយ​បារ​ម្ភ​ពី​អនាគត​កូនចៅ ​ខណៈ​បទល្មើសដដែលៗ​អុក​ឡុកមូលដ្ឋាន​

បែកធ្លាយរូបភាពក្នុងកាមេរ៉ា​ ក្រោយបុរស២នាក់​ប្រព្រឹត្តបទល្មើសក្នុងហាង

រាជធានីភ្នំពេញ ៖ ក្រុមជនសង្ស័យមួយក្រុមមានគ្នាចំនួន២នាក់បានជិះកង់មួយគ្រឿងមកធ្វើសកម្មភាពឆ្កឹះសោ និងវាយបំបែកទ្វារកញ្ចក់ហាងលក់កាមេរ៉ាសុវត្ថិភាព និងម៉ាស៊ីនព្រីនយីហោ ភ្នំពេញ អូហ្វីស សប្លាយ៍ ចូលលួចកុំព្យូទ័រមួយគ្រឿង និងឡែបថបមួយគ្រឿងបានសម្រេច រួចគេចខ្លួនបាត់ដោយសុវត្ថិភាព ។

អាន​បន្ត៖ បែកធ្លាយរូបភាពក្នុងកាមេរ៉ា​ ក្រោយបុរស២នាក់​ប្រព្រឹត្តបទល្មើសក្នុងហាង

ស្នងការ​ក្រុងភ្នំពេញ សាកសួរ​តារា TIK TOK ម្នាក់ ករណី​ប៉ះពាល់​កិត្តិយស​ប៉ូលិស​ចរាចរណ៍

រាជធានីភ្នំពេញ ៖ ស្ត្រីម្នាក់ត្រូវបានសមត្ថកិច្ច កោះហៅមកសាកសួរ ករណីយកព័ត៌មានចាស់តាំងពីឆ្នាំ២០១៨ យកមកបង្ហោះខុសពីការពិត ធ្វើឲ្យប៉ះពាល់ធ្ងន់ធ្ងរ ដល់កិត្តិយសរបស់សមត្ថកិច្ច នេះបើយោងតាមទំព័រហ្វេសបុកស្នងការដ្ឋាននគរបាលរាជធានីភ្នំពេញ ។

អាន​បន្ត៖ ស្នងការ​ក្រុងភ្នំពេញ សាកសួរ​តារា TIK TOK ម្នាក់...

៣ករណីផ្សេងគ្នា​​បង្ក្រាប​បានជិត១០នាក់​

ខេត្តបន្ទាយមានជ័យ ៖ លោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែតខេត្តបន្ទាយមានជ័យ បានឲ្យដឹងថា ដោយអនុវត្តតាមបទបញ្ជារបស់លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ និងមានការសម្របសម្រួលពីលោកព្រះរាជអាជ្ញានៃអយ្យការសាលាដំបូងខេត្តបន្ទាយមានជ័យ មាស ច័ន្ទពិសិដ្ឋ កម្លាំងនគរបាលក្រុងប៉ោយប៉ែត បានធ្វើការបង្ក្រាបករណីជួញដូរ និងប្រើប្រាស់គ្រឿងចំនួន៣ករណីជាបន្តបន្ទាប់ និងឃាត់ខ្លួនជនសង្ស័យសរុបចំនួន៧នាក់ រួមទាំងវត្ថុតាងថ្នាំញៀនមួយចំនួន ។

អាន​បន្ត៖ ៣ករណីផ្សេងគ្នា​​បង្ក្រាប​បានជិត១០នាក់​

ហ៊ានម៉្លេះ! គ្រាន់តែ​សួរ​​រឿង​ធ្វេ​ី​ឱ្យ​​កង់​ដួល កូន​​ទាញ​ដុំ​ឥដ្ឋ​ដេញ​វាយ​ម្តាយ​​ឪពុក​

ខេត្តកណ្ដាល ៖ កូនប្រុសម្នាក់ គ្រាន់តែម្ដាយសួរនាំរឿងធ្វើឱ្យកង់ដួល ស្រាប់តែស្ទុះទៅយកដុំឥដ្ឋប្រហោងវាយមកលើម្ដាយ និងឪពុក ព្រមទាំងអ្នកជិតខាងម្នាក់ទៀត បណ្តាលឱ្យរងរបួស ហេីយបំផ្លិចបំផ្លាញទ្រព្យសម្បត្តិនៅក្នុងផ្ទះ ត្រូវបានសមត្ថកិច្ចឃាត់ខ្លួន។

អាន​បន្ត៖ ហ៊ានម៉្លេះ! គ្រាន់តែ​សួរ​​រឿង​ធ្វេ​ី​ឱ្យ​​កង់​ដួល...

​ធ្វើ​កិច្ចសន្យា និងអប់រំយុវជន​ម្នាក់ដែល​បង្ហោះ​ព័ត៌មាន​ចាស់​២​ឆ្នាំ​មុន រិះគន់​ប៉ូលិស​ចរាចរណ៍

រាជធានីភ្នំពេញ ៖ យុវជនម្នាក់ឈ្មោះ រស់ ដារ៉ា ដែលប្រើប្រាស់គណនីហ្វេសបុកឈ្មោះ Alex Piano ដែលបានយកព័ត៌មានចាស់តាំងពីឆ្នាំ២០១៨ ដែលគាត់បានបើកបរល្មើស ស្លាកសញ្ញា ចរាចរណ៍ យកមកផុសខុសពីការពិត ត្រូវបានសមត្ថកិច្ចហៅមកសាកសួរ និងអប់រំ ។

អាន​បន្ត៖ ​ធ្វើ​កិច្ចសន្យា និងអប់រំយុវជន​ម្នាក់ដែល​បង្ហោះ​ព័ត៌មាន​ចាស់​២​ឆ្នាំ​មុន...

នារីម្នាក់ដេញតាមចោរ បែរជាបុកគូទ​ឡានសន្លប់ លុះ​បើក​កែបឃើញជិត​៤ម៉ឺនដុល្លារ​

រាជធានីភ្នំពេញ ៖ នារីវ័យក្មេងជាបុគ្គលិកវេរលុយម្នាក់ ខណៈជិះម៉ូតូនិយាយទូរស័ព្ទតាមផ្លូវត្រូវជនសង្ស័យមួយក្រុមធ្វើសកម្មភាពឆក់ទូរស័ព្ទយកទៅបាត់ ហើយនាងបានជិះម៉ូតូដេញតាមក៏ជ្រុលទៅបុកគូទរថយន្តបណ្តាលឱ្យដួលសន្លប់ បន្សល់ទុកលុយមួយថង់ប្រមាណជិត៤ម៉ឺនដុល្លារក្នុងកែបម៉ូតូ ។

អាន​បន្ត៖ នារីម្នាក់ដេញតាមចោរ បែរជាបុកគូទ​ឡានសន្លប់ លុះ​បើក​កែបឃើញជិត​៤ម៉ឺនដុល្លារ​

ពលករចាញ់បោកមេខ្យល់ ទៅប្រទេសថៃ ៣៤នាក់ ត្រូវបានកងទ័ពនៅព្រំដែន ជួយសង្គ្រោះ និងបញ្ជូនមកស្នាក់នៅមណ្ឌលចត្តាឡីស័ក ស្រុកស្វាយចេក

(បន្ទាយមានជ័យ)៖ ក្រោយពីបានទទួលបទបញ្ជារបស់ លោកឧត្តមសេនីយ៍ឯក ឯក សំអូន មេបញ្ជាការរង កងទ័ពជើងគោក មេបញ្ជាការ យោធភូមិភាគទី៥ នាយប់ថ្ងៃទី២៩ ខែមេសា ឆ្នាំ២០២០ លោកឧត្តមសេនីយ៍ទោ ឈុន ម៉ៅ មេបញ្ជាការទិសទី១ បន្ទាយមានជ័យ បានដឹកនាំកម្លាំងយោធា ចុះទប់ស្កាត់ និងជួយសង្គ្រោះប្រជាពលរដ្ឋ ដែលចាញ់បោកមេខ្យល់ នាំចេញទៅធ្វើការនៅប្រទេសថៃ បានទាន់ពេលវេលា ហើយក៏បានបញ្ជូន ពលរដ្ឋទាំងនោះទៅស្នាក់នៅមណ្ឌលចត្តាឡីស័ក ស្រុកស្វាយចេក។

អាន​បន្ត៖ ពលករចាញ់បោកមេខ្យល់ ទៅប្រទេសថៃ ៣៤នាក់ ត្រូវបានកងទ័ពនៅព្រំដែន ជួយសង្គ្រោះ...

កុំធ្វើឲ្យសាច់ញាតិជនរងគ្រោះ ស្រក់ទឹកភ្នែកដោយសារការបើកបររបស់អ្នក! ស្លាប់៥នាក់ និងរបួស៧នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី២៩ ខែមេសាម្សិលមិញ

(ភ្នំពេញ)៖ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី២៩ ខែមេសា ឆ្នាំ២០២០ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៦លើក បណ្ដាលឲ្យមនុស្សស្លាប់៥នាក់ និងរបួសធ្ងន់ស្រាល៧នាក់។

អាន​បន្ត៖ កុំធ្វើឲ្យសាច់ញាតិជនរងគ្រោះ ស្រក់ទឹកភ្នែកដោយសារការបើកបររបស់អ្នក! ស្លាប់៥នាក់...

ឡានទឹកបាញ់​១០គ្រឿង​​ ឆេះ​ផ្ទះថ្ម​១​ល្វែង​នៅ​កណ្តាលក្រុង​នេះ

រាជធានីភ្នំពេញ ៖ ផ្ទះល្វែងកន្លែងដែលត្រូវអគ្គិភ័យឆាបឆេះ គិតត្រឹមម៉ោង០៨និង៣០នាទីព្រឹកថ្ងៃទី៣០ េមសា នេះ បានរលត់ទាំងស្រុងហើយ បន្ទាប់ពីមានការអន្តរាគមន៍រថយន្តពន្លត់បាញ់ជាបន្តបន្ទាប់ ។

អាន​បន្ត៖ ឡានទឹកបាញ់​១០គ្រឿង​​ ឆេះ​ផ្ទះថ្ម​១​ល្វែង​នៅ​កណ្តាលក្រុង​នេះ

មន្ត្រី​ប៉ូលិស ​បាញ់​បុរស​ម្នាក់ ​ក្នុងខណ្ឌដូនពេញ ចាប់ខ្លួន​បាន នៅខេត្តកំពត

ខេត្តកំពត ៖ បើតាមសេចក្តីរាយការណ៍ជាបឋមអោយដឹងថា នៅរសៀលថ្ងៃទី២៨ មេសា ២០២០នេះ កម្លាំងជំនាញព្រហ្មទណ្ឌនៃក្រសួងមហាផ្ទៃ សហការជាមួយកម្លាំងនគរបាលខេត្តកំពត តាមចាប់ខ្លួនជនសង្ស័យជាមន្ត្រីនគរបាលរាជធានីភ្នំពេញម្នាក់ ដែលបានបាញ់ប្រហារបុរសម្នាក់ បណ្តាលឱ្យរងរបួសធ្ងន់នៅមុខផ្សារសូរិយា ម៉ល នៅខណ្ឌដូនពេញ កាលពី ២ថ្ងៃមុននេះ ។

អាន​បន្ត៖ មន្ត្រី​ប៉ូលិស ​បាញ់​បុរស​ម្នាក់ ​ក្នុងខណ្ឌដូនពេញ ចាប់ខ្លួន​បាន នៅខេត្តកំពត

មានទាំងប្រុស មានទាំងស្រី​កំពុង​ពពាក់ពពូនគ្នា​​ក្នុង​បន្ទប់ជួល​ សមត្ថកិច្ច​ចុះឆ្មក់​

រាជធានីភ្នំពេញ ៖ កម្លាំងនគរបាលប៉ុស្តិ៍រដ្ឋបាលដង្កោសហការជាមួយកម្លាំងផ្នែកនគរបាលប្រឆាំងគ្រឿងញៀន នៃអធិការដ្ឋាននគរបាលខណ្ឌដង្កោ ក្រោមការដឹកនាំដោយលោកវរសេនីយ៍ឯកជឹម សុីថា អធិការនគរបាលខណ្ឌ បានធ្វើការស្រាវជ្រាវរហូតឈានដល់ការចុះទៅឃាត់ខ្លួនយុវជន និងយុវតីចំនួន៨នាក់ ខណៈកំពុងនាំគ្នាស្នាក់នៅក្នុងបន្ទប់ផ្ទះជួលមួយកន្លែងជុំគ្នា ធ្វើសកម្មភាពជួញដូរនិងប្រើប្រាស់គ្រឿងញៀន ។

អាន​បន្ត៖ មានទាំងប្រុស មានទាំងស្រី​កំពុង​ពពាក់ពពូនគ្នា​​ក្នុង​បន្ទប់ជួល​...