ដើម្បីចូលរួមគាំទ្រ និងលើកស្ទួយនូវវិស័យសិល្បៈភាពយន្តរបស់ខ្មែរ ឲ្យកាន់តែមានភាពលេចធ្លោលើទីផ្សាជាតិ និងអន្តរជាតិនោះ តារាសម្តែងខ្មែរកញ្ញា សួង សាខារ៉ានីត ទទូចស្នើសុំដល់បណ្តាផលិតករ និងម្ចាស់ផលិតកម្មមួយចំនួនមេត្តាបញ្ឈប់ ការចម្លងស្នាដៃភាពយន្តបរទេស ជាពិសេសភាពយន្តថៃតែម្តង។
ទន្ទឹមគ្នានេះដែរ ចំពោះតារាស្រីរូបស្រស់កញ្ញា សួង សា ខារ៉ានីត ក៏នៅតែប្រកាសរក្សាជំហរថា បើមានបណ្តាផលិតកម្ម ឬស្ថានីយ៍ទូរទស្សន៍ណាមួយទាក់ទង ហៅឲ្យថតរឿងខ្មែរ ដែលសម្តែងក្រោយថៃ គឺដាច់ខាតនាងមិនទទួលនោះទេ។ ការប្រកាសរក្សាជំហរ ពីសំណាក់តារាសម្តែងស្រីកញ្ញា សួង សាខារ៉ានីត នេះ គឺធ្វើឡើងស្របដែលអំឡុងពេលមួយរយៈចុងក្រោយនេះ មានយុវវ័យខ្មែរមួយចំនួនបាននាំគ្នាផុសផុល ងាកទៅចាប់អារម្មណ៍គាំទ្រភាពយន្តបរទេស (ថៃ) ធ្វើឲ្យឈ្លួកវង្វែងហើយភ្លេចខ្លួន ក្នុងការចូលរួមថែរក្សា នូវតម្លៃវប្បធម៌សិល្បៈដ៏ល្អផូរផង នៃជាតិសាសន៍ខ្លួនឯង។
ដោយឡែកបើចាប់អារម្មណ៍ នៅលើបណ្តាញសង្គមហ្វេសប៊ុករបស់កញ្ញា សួង សាខារ៉ានី ថ្មីៗនេះ បានបង្ហោះភ្ជាប់និងវីដេអូ នៃកិច្ចសម្ភាសន៍មួយរវាងលោក យូ ឌីស្កូ ថា ពិតជាត្រឹមត្រូវណាស់បង ជាពិសេសយករឿងថៃមកលេងតាមក្រោយគេនឹងហ្មង ខ្វះអី្វអ្នកនិពន្ធខ្មែរយើង ចាំបាច់អី្វទៅយករឿងគេមកថតចំឡង?។
សួង សាខារ៉ានីត បន្តទៀតថា សូមបញ្ឈប់ទៅខ្មាសគេ ហើយប៉ះពាល់ទៅដល់ខ្មែរជំនាន់ក្រោយៗ គេចោទថា យើងជាចោរមិនបានការ អន់ ខ្ញុំធ្លាប់ប្រកាសរួចហើយថា បើយករឿងថៃមកចម្លង គឺខ្ញុំមិនថតដាច់ខាត។ ហ៊ាននិយាយខ្ញុំហ៊ានធ្វើ ហើយកុំប្រកាន់ខ្ញុំថា ខ្ញុំរឹក ខ្ញុំមិនប៉ុន្មាន ទោះអត់ខ្ញុំមួយ ក៏គេមិនខ្វះតួថតដែរ តែបើរកធនធានតួដូចខ្ញុំប្រហែលពិបាករកបន្តិចហើយ។ តារាសម្តែងកញ្ញា សួង សាខារ៉ានីត បន្ថែមទៀតថា ខ្ញុំខ្មែរ ខ្ញុំស្រលាញ់កម្ពុជា ខ្ញុំលាញ់សិល្បៈកម្ពុជា។
សូមជម្រាបថា កន្លងតារាសម្តែង សួង សាខារ៉ានីត ធ្លាប់បានប្រាប់កម្ពុជាថ្មីឲ្យដឹងដែរថា សម្រាប់ខ្ញុំសូមប្រកាសរក្សាជំហរដាច់ខាត មិនទទួលថតរឿងដែលសម្តែងតាមក្រោយថៃ ឬរឿងថៃសម្តែងយូរហើយនោះទេ៕
ដកស្រង់ពី៖កម្ពុជាថ្មី
គេកត់សម្គាល់ឃើញថា ចំណងស្នេហារបស់តារាកំប្លែង នាយ ចយ និងភរិយាអ្នកនាង ខ្វាន់ឌី គិតមកទល់នឹងពេលនេះ មានរយៈពេលប្រមាណជាង ៣ ឆ្នាំមកហើយ ខណ:ពួកគេក៏ទទួលបានចំណងដៃកូនប្រុជាទីស្រឡាញ់ម្នាក់ផងដែរ។
អាពាហ៍ពិពាហ៍របស់លោក សែភិន ហៅនាយ ចយ និងភរិយាអ្នកនាង ប៉ិន ក្វាន់ឌី បានរៀបចំធ្វើឡើងកាលពីថ្ងៃ ២៧ ខែ កុម្ភៈ ឆ្នាំ ២០១៨ នៅវិមានពិភពថ្មីសែនសុខ ដោយមានភ្ញៀវនិងអ្នកសិល្ប:ល្បីៗជាច្រើនចូលរួម។ ដោយឡែកនៅអំឡុងពេលមុនថ្ងៃរៀបការ គឺគេឃើញមានមតិរិះគន់មួយចំនួនបានកើតឡើង មកលើអ្នកទាំងពីរដោយខ្លះលើកឡើងថាចំណងស្នេហ៍មួយនេះ កើតឡើងដោយសារតែលុយ បើមិនមែនលុយ ក៏គេមិនយកនាយ ចយ នោះដែរ។ ប៉ុន្តែអ្វីៗដែលបង្ហាញកាន់តែច្បាស់ នោះគឺចំណងស្នេហ៍ពួកគេ កាន់តែរឹងមាំនិងមានភាពផ្អែមល្ហែមគួរឲ្យសរសើរ។
ត្រង់ចំណុចនេះ បានធ្វើឲ្យអ្នកគាំទ្រនិងមហាជនផ្ទុះការសរសើរគ្រប់គ្នា សមដូចអ្វីដែលភរិយានាយ ចយ ធ្លាប់លើកឡើងថាមិនដែលស្រលាញ់អ្នកណាដោយសារឋានៈ ឬលុយកាក់ ប៉ុន្តែបើស្រលាញ់គឺស្រលាញ់ដោយសារទឹកចិត្តស្រលាញ់ ចេះមើលថែយកចិត្តទុកដាក់នឹងគ្នា និងព្រមទទួលយកចរិតពិតរបស់គ្នា លុយកាក់បើខ្វះខាត អាចជួយគ្នារកបាន សុំត្រឹមតែស្មោះត្រង់គឺគ្រប់គ្រាន់ហើយ។
យ៉ាងណាមិញ រឿងដែលធ្វើឲ្យអ្នកគាំទ្រកាន់តែភ្ញាក់ផ្អើល និងចាប់អារម្មណ៍ទៀតនោះ គឺត្រង់ថា ទោះបីអំឡុងពេលចុងក្រោយនេះការងារសិល្ប:របស់នាយ ចយ ស្ងប់ស្ងាត់បន្តិចក្តី តែថ្មីៗនេះឮដំណឹងថា នាយ ចយ និងភរិយាបានចំណាយលុយខ្ទង់រាប់ម៉ឺនដុល្លារ ដើម្បីសាងសង់ផ្ទះថ្មីមួយកន្លែង ដែលទើបដំណើរការបុកគ្រឹះមុននេះ។
ជុំវិញដំណឹងនេះដែរ សម្រាប់តារាកំប្លែងនាយ ចយ បានទទួលស្គាល់ថា ខ្លួននិងភរិយាពិតជាបាននឹងកំពុងសាងផ្ទះថ្មីពិតមែន។ ប៉ុន្តែចំពោះការចំណាយ មិនត្រូវបាននាយ ចយ បញ្ជាក់ទេថា ត្រូវចាយលុយខ្ទង់ប៉ុន្មានម៉ឺនដុល្លារទេ ខណ:មានទស្សនិកជននិងអ្នកគាំទ្រជាច្រើនចូលរួមអបអរ ហើយសរសើរពួកគេទាំង២នាក់ប្តីប្រពន្ធនេះផងដែរ៕
ដកស្រង់ពី៖កម្ពុជាថ្មី
តារាកំប្លែងនិងសម្តែងលោក អៀង ចេនឡា បានបង្ហាញអារម្មណ៍រំភើបខ្លាំង បន្ទាប់ពីទទួលបានអំណោយឧបត្ថម្ភចំនួន ១ ម៉ឺនដុល្លារ ពីសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ដើម្បីព្យាបាលជំងឺ។
នាយ ចេនឡា បានរៀបរាប់ទាំងរំភើបថា ខ្ញុំបាទ ពិតជារំភើប និងសូមគោរពថ្លែងអំណរគុណយ៉ាងជ្រាលជ្រៅ ចំពោះឯកឧត្តម ចាន់ កុលបុត្រ ដែលបានផ្ដល់កត្តិយសមកសួរសុខទុក្ខខ្ញុំដល់ផ្ទះ ហើយបាននាំយកថវិការជាអំណោយដ៏ថ្លៃថ្លារបស់សម្ដេចតេជោ ហ៊ុន សែន នាយករដ្ឋមន្ត្រីនិងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចំនួន១មុឺនដុល្លារ មកឲ្យខ្ញុំសំរាប់ព្យាបាលជំងឺ។
តារាកំប្លែង អៀង ចេនឡា បន្តថា លើសពីនេះ ថែម ងមានប័ណ្ណសរសើរពីសមាគមអ្នកនិពន្ធខេមរៈ ដល់រូបខ្ញុំផងដែរ។សូមគោរពជូនពរសម្ដេចពុកនិងក្រុមគ្រួសារ ក៏ដូចជាឯកឧត្តម ចាន់ កុលបុត្រ និងក្រុមគ្រួសារសូមជួបប្រទះតែពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
សូមបញ្ជាក់ថា តារាកំប្លែងនិងសម្តែងលោក អៀង ចេនឡា កាលពីថ្មីៗនេះ ត្រូវបានចូលសង្គ្រោះនៅមន្ទីពេទ្យបង្ករការភ្ញាក់ផ្អើលនិងព្រួយបារម្ភពីសំណាក់អ្នកគាំទ្រ ខណ:ដែលតារាកំប្លែងរូបនេះ មានបញ្ហាជំងឺទឹកចូលសួតធ្ងន់ធ្ងរ៕
ដកស្រង់ពី៖កម្ពុជាថ្មី
គេចាំបានថាតារាកំប្លែងអ្នកនាង ស្រេង សុកាន់ដា ហៅ ខ្ញុង បានប្រកាសកាលពីថ្ងៃទី១៧ ខែតុលា ឆ្នាំ ២០២១ កន្លងទៅថានាងបានលង់ខ្លួនជំពាក់បំណុលគេ នូវទំហំទឹកប្រាក់ចំនួន ៥៧២ ០០០ ដុល្លារ ដែលមានម្ចាស់បំណុលប្រមាណ៣០នាក់។
យ៉ាងណាមិញ បន្ទាប់ពីធ្លាយរឿងជំពាក់បំណុលគេជាងកន្លះលានដុល្លារ រហូតលក់អស់ទ្រព្យពីខ្លួន និងរងការរិះគន់ពីមហាជនថា ជាការសម្តែងក៏ពិតមែន តែឥឡូវនេះ ខ្ញុង និងស្វាមីនាយ កៃដរ ត្រូវបានគេមើលឃើញថា អ្នកទាំង២កំពុងខិតខំសាងជីវិតជាថ្មី ដោយការឡាយលក់ប្រហុក ផ្អក ត្រីងៀត ដើម្បីយកលុយដោះបំណុលគេ។
លើសពីនេះទៀតនោះ ស្របពេលដែលប្រទេសត្រូវបានប្រកាសឲ្យបើកឡើងវិញ និងអនុញ្ញាតឲ្យមានពិធីរៀបមង្គលការផងនោះ ពេលនេះអ្នកនាង ខ្ញុង និងស្វាមីនាយ កៃដ ក៏ចាប់ផ្តើមក្តាប់បានឱកាសជាមួយការងារនេះឡើងវិញផងដែរ។ ហេតុផលនេះ ត្រូវបានអ្នកគាំទ្រយល់ថា ខ្ញុង និង កៃដរ មានទីផ្សារវិញហើយ។
ជាក់ស្តែងនៅព្រឹកថ្ងៃទី២១ ខែវិច្ឆិកា ឆ្នាំ២០២១នេះ គេឃើញអ្នកនាង ខ្ញុង បានបង្ហោះរូបភាពពីរនាក់ស្វាមីនាយ កៃដរ ដោយទឹកមុខស្រស់ស្រាយនៅក្នុងកម្មវិធីមង្គលការមួយថា ចូលរួមកម្មវិធីកាត់សក់នៅព្រែកក្តាម។ តាមរយៈនេះគេឃើញមានមហាជន និងអ្នកគាំទ្រនាងបានបង្ហាញការលើកទឹកចិត្តគ្រប់គ្នាផងដែរ៕
ដកស្រង់ពី៖កម្ពុជាថ្មី
បទចម្រៀងដែលចេញផ្សាយជាផ្លូវការនៅថ្ងៃទី២៤ ខែកញ្ញា ឆ្នាំ២០២១ កើតចេញពីស្នាដៃផលិតរួមគ្នារបស់ Coldplay និង BTS មានចំណងជើងថា «My Universe» មានសមត្ថភាពឈ្នះពានបានមួយហើយ ពីកម្មវិធីប្រគល់ពាន NRJ Music Awards។
NRJ Music Awards គឺជាពានដែលរៀបចំដោយ ស្ថានីយ៍វិទ្យុបារាំង NRJ ដែលតែងលើកយកពីភាពអស្ចារ្យនៃស្នាដៃទាំងឡាយដែលមានក្នុងពិភពតន្ត្រី។ នៅថ្ងៃទី២២ ខែវិច្ឆិកានេះ BTS និង Coldplay បានឈ្នះពានរួមគ្នាគឺ ពាន «International Collaboration of the Year» តាមរយៈបទ «My Universe»៕
ដកស្រង់ពី៖Sabay
ប៉ុន្មានថ្ងៃនេះមានព័ត៌មានចេញផ្សាយជាប់ ទាក់ទងនឹងអ្វីដែលតារាសម្ដែងថៃ Alek Teeradetch បានលើកឡើងថាខ្លួនកំពុងតាមចែចង់ Bow Maylada។
ជាក់ស្ដែងស្របពេល Bow Maylada បង្ហាញវត្តមានចូលរួមកម្មវិធីកាលពីពេលថ្មីៗ នាងក៏បាននិយាយពី Alek ដែរ។ ស្ថិតក្នុងបទសម្ភាស នាងទទួលស្គាល់ថា នាង និង Alek ពិតជាកំពុងរាប់អានគ្នាមែន ហើយសរសើរថា តារាប្រុសរូបនេះជាមនុស្សគួរឲ្យស្រឡាញ់ណាស់ពេលនៅក្បែរនាង។
បន្ថែមពីលើនេះ Bow នៅបានឲ្យដឹងទៀតថា Alek តែងមើលថែនាងបានយ៉ាងល្អ ពេលពួកគេមានការងារ ថតកម្មវិធីជាមួយគ្នា។ អ្វីដែលគួរឲ្យភ្ញាក់ផ្អើល នៅថ្ងៃដែលផ្ដល់បទសម្ភាសនោះ James Jirayu ក៏នៅទីនោះជាប់នាងដែរ តែ Bow បែរជាច្រឡំហៅ James ថា "បង Lek” ទៅវិញ ដោយសារពេលផ្ដល់បទសម្ភាស គឺនិយាយពី Alek ដូច្នេះនាងទៅជាច្រឡំមាត់តែម្ដង៕
ដកស្រង់ពី៖Sabay
លោក សួន រ៉ានីរ៉ាស៊ីន គឺជាតារាសម្ដែងកូនកាត់រុស្សីយ៉ាងកម្រម្នាក់ ហើយអ្វីដែលរឹតតែកម្រទៀតនោះ គឺថាបុរសសង្ហារូបនេះ រៀនបានខ្ពស់ ការងារក៏ល្អ ព្រមទាំងអាចនិយាយបានច្រើនភាសាថែមទៀត។
តាមការឲ្យដឹងតារាកូនកាត់ខ្មែររុស្ស៊ី រ៉ានីរ៉ាស៊ីន អាចនិយាយបាន៣ភាសាយ៉ាងស្ទាត់ជំនាញឯណោះក្នុងការងារទំនាក់ទំនងប្រចាំថ្ងៃ ដោយមិនត្រូវការអ្នកបកប្រែមកជួយនោះទេ។ ភាសាទាំង៣នោះ រួមមាន ភាសាខ្មែរ អង់គ្លេស និង រុស្ស៊ី ក្នុងចំណោមនេះ ភាសារុស្ស៊ី លោកបានប្រាប់ថា មិនបានទៅចូលរៀននៅសាលាណាត្រឹមត្រូវឡើយ ប៉ុន្តែលោកទទួលបានការបង្ហាត់បង្រៀនយ៉ាងយកចិត្តទុកដាក់ពីអ្នកម្ដាយដែលជាជនជាតិរុស្ស៊ីផ្ទាល់ទាំងការនិយាយ និងសរសេរ។
ត្បិតពេលនេះ សួន រ៉ានីរ៉ាស៊ីន អាចនិយាយបាន៣ភាសាក៏ពិតមែន តែលោកមានគម្រោងចង់រៀនភាសាចិនបន្ថែម ប្រសិនបើថ្ងៃណាមួយខ្លួនមានឱកាស ដើម្បីងាយស្រួលក្នុងការស្វែងរកទីផ្សារការងារល្អដែលទទួលបានប្រាក់ខែខ្ពស់។ តាមការឲ្យដឹងពីសាមីខ្លួន លោក សួន រ៉ានីរ៉ាស៊ីន បានឲ្យដឹងថា បច្ចុប្បន្ន លោកមិនតែការងារសិល្បៈមួយមុខនោះទេ ប៉ុន្តែលោកក៏ប្រកបការងាររដ្ឋនៅក្រសួងមួយថែមទៀតផង។
លោកថា “សព្វថ្ងៃហ្នឹងខ្ញុំមិនធ្វើតែតារាសម្ដែងមួយមុខទេ គឺខ្ញុំធ្វើការនៅក្រសួងប្រៃសណីយ៍ ហើយខ្ញុំបានចប់បរិញ្ញាបត្រផ្នែក ធនាគារហិរញ្ញវត្ថុ និងបានបញ្ចប់ថ្នាក់អនុបណ្ឌិត ផ្នែកគ្រប់គ្រងរដ្ឋបាលពាណិជ្ជកម្ម។ ដូច្នេះហើយទើបខ្ញុំចង់រៀនភាសាចិនបន្ថែមទៀត"៕
ដកស្រង់ពី៖Sabay
តារាចម្រៀងប្រចាំផលិតកម្មហង្សមាស ពេជ្រ សោភា ធ្វើឲ្យអ្នកគាំទ្រងឿងឆ្ងល់ចង់ដឹងយ៉ាងខ្លាំង ក្រោយនាងពោលពាក្យនឹកសៀមរាបរហូតយំ ។
ក្រោយចប់ព្រះរាជពិធីបុណ្យអុំទូកភ្លាម តារាចម្រៀង ពេជ្រ សោភា ពោលពាក្យនឹកសៀមរាបរហូតដល់ថ្នាក់យំ នៅលើគណនីហ្វេសប៊ុករបស់នាង ដោយនាងបានបញ្ជាក់ថា ការនឹកនេះគឺខុសរាល់ដងកាលពីលើកមុនៗ ដោយមិនដឹងថាមានរឿងអ្វីនោះទេ ដោយនាងចង់ប្រើជីវិតរបស់នាង ដើរលេងឲ្យអស់ចិត្តសិន ទើបចាំគិតរឿងផ្សេងៗទៀត រហូតធ្វើឲ្យអ្នកគាំទ្រគិតថា នាងនឹកសៀមរាប ព្រោះខេត្តសៀមរាបគឺជាកន្លែងទេសចរណ៏ដ៏ទាក់ទាញ ជាមរតកខ្មែរដ៏សំខាន់ ពេលទៅហើយមិនចង់ត្រឡប់មកវិញ ទាល់តែរៀងយូរខែទើប ធូរស្រាលចិត្តនឹកខ្លះមកវិញ ។
ដកស្រង់ពី៖Sabay
បទចម្រៀងថ្មីមួយ “វីរនារីខ្មែរ” របស់ ទេព បូព្រឹក្ស ដែលបានបង្ហោះឈុតខ្លីនៅលើបណ្តាញសង្គមកាលពីថ្ងៃ ១៦ វិច្ឆិការ នេះគឺបានទទួលការកោតសរសើរពីមហាជនយ៉ាងខ្លាំង ដោយសារនៅក្នុងចម្រៀងវីដេអូនេះបានង្ហាញនូវគុណភាព និង ស្នាដៃកូនខ្មែរដ៏អស្ចារ្យដែលធ្វើឲ្យអ្នកគាំទ្រមានមោទនភាពយ៉ាងខ្លាំង។
បើមើលតាមសន្ទុះរបស់អ្នកគាំទ្រនៅលើបណ្តាញសង្គម យើងឃើញថា មានអ្នកគាំទ្រជាច្រើនបាននាំគ្នាបង្ហោះសារថានឹងគាំទ្របូព្រឹក្សដោយរង់ចាំមើលវីដេអូចម្រៀងឲ្យបាន ១ លានដងក្នុងរយះពេល ២៤ ម៉ោង និង អ្នកគាំទ្រខ្លះទៀតនឹងស្តាប់បទនេះបានផ្តល់ចំណាត់ថ្នាក់ឲ្យឡើងលេខ ១ នៅលើ Cambodia Top 50 by Pleng។
ជាធម្មតា ទេព បូព្រឹក្ស តែងតែព្យាយាមស្វែងរកអ្វីថ្មីដើម្បីផ្សព្វផ្សាយពីសិល្បះខ្មែរទាំងសម័យទាំងបូរាណ ជាពិសេសលើកស្ទួយវិស័យតន្រ្តីពីការច្នៃប្រឌិតលើចម្រៀង និង រូបភាពវីដេអូចម្រៀងជាដើម។ ក្នុងនោះពេលខ្លះក៏មានអ្នកគាំទ្រហើយចូលចិត្ត តែក៏មានមតិមួយចំនួនមិនគាំទ្រដែរ៕
ដកស្រង់ពី៖Sabay
វីដេអូបទចម្រៀង វីរនារី របស់ ទេព បូព្រឹក្ស ដែលនឹងចេញក្នុងពេលឆាប់នេះ ពិតជាផ្ទុះការគាំទ្រខ្លាំង ប៉ុន្តែថ្មីៗក៏មានព័ត៌មានជាច្រើនចុះផ្សាយចេញពីប្រភពច្បាស់លាស់ថា តារាស្រីរូបនេះសុខចិត្តចំណាយទឹកប្រាក់រាប់លានដុល្លារ ដើម្បីសម្រិតសម្រាំង MV ថ្មីនេះឲ្យចេញមកអស្ចារ្យ។
ជាក់ស្ដែងក្រៅពីសម្លៀកបំពាក់ គ្រឿងលម្អ និងអ្វីផ្សេងទៀត បូព្រឹក្ស ក៏បានចំណាយលើថ្លៃនៃការផាត់មុខច្រើនដែរ ដែលអស់រហូតទៅដល់ ៤០០០ ដុល្លារ។ អ្នកផាត់មុខរបស់បូព្រឹក្ស ម្ចាស់គណនីឈ្មោះ Mu Zu Make Up បានបង្ហោះសារនៅក្នុងបណ្ដាញសង្គមហ្វេសប៊ុកថា៖ “មិនដឹងថានិយាយយ៉ាងណាឲ្យសមទេ ដឹងត្រឹមថារំភើបសប្បាយចិត្តជាខ្លាំង តាំងពីថ្ងៃដំបូងដែលបានផាត់មុខជូនបងស្រីទេព បូព្រឹក្ស គាត់ជាមនុស្សម្នាក់ដែលឲ្យតម្លៃលើការងារ មិនចេះឆ្មើងឆ្មៃ លេងសើចច្រើនណាស់ គួរឲ្យស្រលាញ់ អ្វីដែលសំខាន់បងស្រីបានផ្តល់នូវសេចក្តីទុកចិត្ត និង ឱកាសដល់រូបខ្ញុំបានបញ្ចេញស្នាដៃក្នុងបទចម្រៀង Top of the lady (វីរនារី) និងពិតជាមិនស្មានដល់សោះឡើយ សំរាប់ការផ្តល់តម្លៃដល់ការងារ ទឹកចិត្តបងស្រីពិតជាបរិសុទ្ធណាស់ អរគុណសំរាប់កាដូ 4000$ #TBP love you idol”។
តាមការឲ្យដឹងពីក្រុមការងារផ្សេងទៀត ដោយសារតែការថតនេះចំណាយពេលរហូតទៅដល់ ៣ ថ្ងៃ ហើយអ្នកផាត់មុខ និង ក្រុមការងារទាំងអស់សឹងតែមិនបានគេងរហូតដល់ ៤៨ ម៉ោង បន្ថែមពីនេះការផាត់មុខនេះមានទម្រង់ជាសិល្បៈច្រើនប្រភេទតាមសម្លៀកបំពាក់ប្រភេទនីមួយៗ ដែលតម្រូវអោយមានការផ្ចិតផ្ចង់ខ្លាំង៕
ដកស្រង់ពី៖Sabay
នៅពេលនេះ តារាប្រុសស្រី១គូខាងលើ បានបង្កការងឿងឆ្ងល់ រហូតប្រិយមិត្តទស្សនិកជនបានដាក់ការសង្ស័យថា ជាគួរស្នេហ៍ផ្អែមល្ហែម Sweet ណាស់ ដូចជាកាន់តែយល់ពីគ្នាច្រើន។
ការយល់ចិត្ត យល់បេះដូងជាមួយគ្នានេះ អាចប្រហែលមកពីយល់ថា ធ្លាប់ជាមិត្តរួមការងារជាមួយគ្នា ទើបឈានដល់ការបំបែកពីមិត្តភាពក្លាយទៅជារឿងស្នេហា។ ទាំង ហ៊ិន ច័ន្ទនិរត្ន័ តារាស្រីរូបស្រស់ញញឹម មានមន្តស្នេហ៍ និងលោក សេង មង្គល ដែលមានឈ្មោះ ដើមហូរប៉ូសេង ឈានទៅរកចំណុចនេះ ព្រោះធ្លាប់ថតសម្តែងខ្សែរឿងបែបមនោសញ្ចេតនាជាមួយគ្នា ប៉ុន្មានរឿងនៅលើកញ្ចក់ទូរទស្សន៍។
សម្តែងលេងៗ ស្រឡាញ់គ្នាក្រៅឆាកមែនទែន ហើយពេលនេះស្នេហ៍មិនឈ្នះស្និត។ ជាញឹកញាប់ចាប់តាំងពីទទួលបានការចាប់អារម្មណ៍ជាដៃគូល្អូកល្អិនមក ឃើញថា និរត្ន័ និងមង្គល រមែងបង្ហាញការនឹករលឹកគ្នា ។ ហើយញឹកញាប់ឧស្សាហ៍ Live video និយាយត.ទល់គ្នា បង្ហាញស្នាមញញឹមគួរអោយច្រណែន។ សូម្បីតែហ្វេនៗ ក៏ឌឺដងពាក្យសំដីថា «បងទាំង២សមគ្នាណាស់» បើបានជាគូពិតប្រាកដមិនដឹងជាល្អយ៉ាងណា។
ស្នេហាមួយនេះកើតឡើង ក្នុងពេលដែល សេង មង្គលឧស្សាហ៍ និយាយសរសើរ ពីនិរត្ន័ ជាស្ត្រីម្នាក់ដែលពូកែ មុះមុត តស៊ូជាមួយការងារ ស្ទើរភ្លេចខ្លួនឯង ទាំងស្អាតឆ្លាតមានទាំងអស់។ លោកបានលើកសរសើរនៅលើឆាកកម្មវិធីប្រាប់មហាជនអោយដឹង ធ្វើអោយតារាតូចច្រឡឹងហ៊ិន ច័ន្ទនិរត្ន័ រំភើបចិត្ត។ បើសិនជា ខាងមុខពួកគេកាន់តែមានពន្លឺស្នេហាល្អជាមួយគ្នាមែននោះ នឹងក្លាយជា សញ្ញាថ្មីមួយគូទៀតដែលអ្នកល្បីក្នុងសិល្បៈមានស្នេហា។ រង់ចាំមើលថា តើខាងប្រុសហ៊ានសារភាពដាក់នារីក្នុងដួងចិត្ត សុំរៀបការដែរឬយ៉ាងណា? បើអ្វីៗហាក់មានសភាពល្អប្រសើរហើយនោះ។
ដកស្រង់ពី៖កោះសន្តិភាព
ជាទូទៅបើយើងនិយាយពីពាក្យ CPU, GPU និង Chipset (ឈីប) ប្រិយមិត្តអ្នកប្រើប្រាស់ស្មាតហ្វូនមួយចំនួន ប្រាកដជាធ្លាប់បានឮ?
អានបន្ត៖ មកដឹងពីសារៈសំខាន់របស់ CPU GPU និង ឈីប ក្នុងស្មាតហ្វូន
ក្រុមហ៊ុនរថយន្តកូរ៉េ Genesis បានប្រកាសចេញ SUV ដំណើរការដោយថាមពលអគ្គិសនីថ្មី ហៅថា Electrified GV70 ស៊េរីឆ្នាំ២០២២ នៅក្នុងកម្មវិធី Guangzhou Auto Show ក្នុងប្រទេសចិន។
អានបន្ត៖ Genesis ចេញ SUV អត់ប្រើសាំងថ្មី រូបរាងប្រណីតខ្លាំង សាកម្តងជិះបាន ៤០០គ.ម
ទស្សនិកជននិងអ្នកប្រើប្រាស់បណ្តាញសមង្គមហ្វេសប៊ុកមានការភ្ញាក់ផ្អើលខ្លាំងក្រោយទទួលដំណឹងថាសិល្បករជើងចាស់ផ្នែកល្ខោនបាសាក់ស្ថិតក្នុងក្រុម ភី សុគន្ធី គឺលោក អៀង នៅ ហៅតា ការ៉េ បានទទួលមរណ:ភាពហើយ។
បើតាមការបញ្ជាក់នៅលើគណនីហ្វេសប៊ុករបស់អ្នកនាង ផន សុផារី អតីតតារាកំប្លែងនិងល្ខោនបាសាក់បានសរសេរបង្ហោះភ្ជាប់រូបភាពនិងដំណឹងដ៏សោកសៅនេះថា «បងប្អូនដែលនិយមចូលចិត្តទស្សនាល្ខោនបាសាក់ ភី សុគន្ធី ណាខ្លះស្គាល់លោកតា ការ៉េ?ពេលនេះលោកតាបានទទួលមរណភាពហើយ» ។
អ្នកនាងបានបន្ថែមថា សែនស្តាយទេពកោសល្យរបស់លោកតា ការ៉េ សូមអោយវិញ្ញាណក្ខន្ធរបស់លោកតាបានទៅកាន់សុកតិភពផងចុះ។ ទោះបីមានការលើកឡើងបែបនេះក្តី តែអ្នកនាង ផន សុផារី មិនបានបញ្ជាក់ពីមូលហេតុនៃការបាត់បង់ជីវិតរបស់តា ការ៉េ នោះទេ។ ដោយឡែកបើតាមប្រភពពីស្ត្រីដែលត្រូវជាកូនបង្កើតរបស់លោកតា ការ៉េ បានបញ្ជាក់ប្រាប់ថា ឪពុករបស់ខ្លួនបានទទួលមរណភាពក្នុងអាយុ៦៧ឆ្នាំ ដោយសារជំងឺពុកឆ្អឹង មានរយ:ពេលជាង៤ឆ្នាំហើយខណ:កន្លងមកលោកត្រូវលេបថ្នាំជាប្រចាំ ពោលគឺចាប់តាំងពីឈប់ពីល្ខោនបាសាក់ក្រុម ភី សុគន្ធី មកកន្លងមក។
តាមរយ:ដំណឹងមរណ:ទុក្ខដ៏ក្រៀមក្រំ និងសោកសៅនេះដែរ គេឃើញមានអ្នកសិល្ប:រួមទាំងមហាជនអ្នកប្រើប្រាស់បណ្ដាញសង្គមជាច្រើនក៏បានសម្ដែងនូវក្ដីរំលែកទុក្ខចំពោះក្រុមគ្រួសារតារាកំប្លែងរូបនេះដែលបានបាត់បង់លោកតា ការ៉េ ដោយគ្មានថ្ងៃនឹងត្រឡប់ផងដែរ៕
ដកស្រង់ពី៖កម្ពុជាថ្មី
កម្មវិធីប្រកួតបវរកញ្ញា Miss Grand International ២០២១ ដែលបា្ររព្ធឡើងលើទឹកដីប្រទេសថៃកាន់តែខិតជិតដល់វគ្គចុងក្រោយហើយ ខណៈកម្ពុជាទើបតែបង្ហាញឈុតតំណាងជាតិយ៉ាងអស្ចារ្យជាផ្លូវការនៅប៉ុន្មានម៉ោងមុននេះសម្រាប់យើងទៅប្រកួតក្នុងវគ្គឈុតតំណាងជាតិ។
នៅប៉ុន្មានម៉ោងមុននេះទំព័រហ្វេសប៊ុកផ្លូវការ Miss Grand Cambodia ទើបបើកបង្ហាញឈុតតំណាងជាតិកម្ពុជាយ៉ាងស្រស់ស្អាតឥតខ្ចោះជារូបគំនូរ ដែលបានបង្ហាញនូវភាពលេចធ្លោនៃព្យញ្ជនៈខ្មែរ អមជាមួយតួលេខខ្មែរពីលេខសូន្យដល់ប្រាំបួន រំលេចជាមួយត្បូងភ្លឺចែងចាំងពេញមួយតួខ្លួន។
ដកស្រង់ពី៖Sabay
អតីតពិធីការិនីមានទេពកោសល្យល្អ ម្នាក់ប្រចាំទូរទស្សន៍បាយ័ន ស៊ិន នារីរត្ន័ បានបាត់វត្តមានពី វេទិកាសិល្បៈ និងនៅលើកញ្ចក់ទូរទស្សន៍ អស់ជាច្រើនឆ្នាំមកហើយ ដោយទើបតែលេចមុខវិញ ក្នុងថ្ងៃសម្ពោធអាជីវកម្មធំមួយរបស់នាង។
ស៊ិន នារីរ័ត្ន បានបាត់មុខពីកញ្ចក់ទូរទស្សន៍ប្រមាណជាង២ឆ្នាំមកហើយ ចាប់តាំងពីនាងជួបប្រសព្វគ្នាជាមួយស្វាមី ជាអ្នកជំនួញមួយរូប ដោយ អ្នកនាងសុខចិត្តផ្តាច់ចេញពីការងារចាស់មកវិនិយោគលើមុខជំនាញវិញម្ដង។ តាមការឲ្យដឹង រយៈពេលនេះ អ្នកនាង ស៊ិន នារីរ័ត្ន បានសិក្សារស្វែងយល់ រហូតអាចបង្កើតមុខរបរធំៗបាន២កន្លែង។
ដកស្រង់ពី៖Sabay
លោកតា ចេក ថ្មីៗកន្លងទៅនេះបានធ្វើឲ្យអ្នកគាំទ្រមានការអាណិតអាសូរក្រោយពីគាត់បានចេញមុខត្អូញត្អែររឿងលក់ផ្លែឈើមិនសូវដាច់ ដែលជាហេតុនាំឲ្យការរកស៊ីរបស់គាត់ ត្រូវខាតចុងខាតដើម ខណៈអាជីពសិល្បៈក៏ត្រូវខកខានព្រោះបញ្ហាជំងឺកូវីដ-១៩មួយរយៈធំមកហើយ។
បន្ទាប់ពីលោកតាចេក បានរៀបរាប់ប្រាប់ពីបញ្ហាការលំបាកសម្រាប់ជីវភាព ក៏ដូចជាការរកស៊ីប្រចាំថ្ងៃនេះ ហើយទើបមុននេះបានធ្វើឲ្យតារាសម្តែង ហេង នរៈកក្កដា ខិតខំធ្វើរឿងមួយនេះ ដើម្បីជួយដល់តារាកំប្លែងជើងចាស់លោកតាចេក ផងដែរ។
ជាក់ស្តែងនៅលើគណនីហ្វេសប៊ុករបស់តារាប្រុសលោក ហេង នរៈកក្កដា ក៏បានបង្ហោះសារភ្ជាប់រូបភាព ដែលថតជាមួយនិងតារាកំប្លែងលោកតាចេក ជាច្រើនសន្លឹកព្រមទាំងនាំយកថវិកា ដែលលោកបានពីសប្បុរសជនចំនួនទៅប្រគល់ជួនតាចេកដោយផ្ទាល់។ លោក ហេង នរៈកក្កដា បានរៀបរាប់បែបនេះថា ខ្ញុំបានជួបឪចេកហើយ ជួបគាត់នៅខាងក្រៅមានតែពាក្យថា លើសពីអាណិត។
ថវិកាដែលខ្ញុំប្រមូលបានមាន ចំនួន៣៦០ដុល្លារ វាមិនច្រើនទេសម្រាប់អ្នកមានតែវាពិតជាច្រើនណាស់សម្រាប់អ្នកក្រ។ តារាសម្តែងលោក ហេង នរៈកក្កដា បាននិយាយបន្ថែមថា សូមអរគុណបងប្អូនដែលបានជួយសម្រាលទុក្ខឪចេកតាមរយៈខ្ញុំ។ ជាមួយគ្នានេះ ក៏មានមហាជនជាច្រើនបានបង្ហាញការគាំទ្រ និងលើកសរសើរចំពោះចិត្តតារាសម្តែងលោក ហេង នរៈកក្កដា គ្រប់គ្នា៕
ដកស្រង់ពី៖កម្ពុជាថ្មី
កាលពីម្សិលមិញ ទំព័រហ្វេសប៊ុករបស់ សម្ដេចអគ្គមហាសេនាបតីតេជោ ហ៊ុន សែន បានបង្ហោះ Post មួយដោយបានលើកឡើងពីចៅស្រីទី ២១ របស់សម្ដេច ដែលសម្រក់ទឹកភ្នែក តែមិនដែលយំឲ្យឮនោះទេ ជាហេតុបង្កើតជាចម្ងល់ដល់ជីតា ព្រោះមិនមែនទើបតែជាលើកទី១ ទេ។
ហេតុនេះសម្ដេចបានមានប្រសាសន៍ថា ប្រសិននៅកម្ពុជាមិនទាន់មានបទ «ស្រក់ទឹកភ្នែកតែមិនយំ» សូមជួយនិពន្ធមួយបទផង។ ទំព័រហ្វេសប៊ុកសម្ដេចតេជោ៖ «ម្សិលមិញត្រឡប់ពីធ្វើការមកដល់ផ្ទះឆ្លៀត ដឹកចៅដើរលេង។ ចៅស្រីទី២១មិនដឹងថាអន់ចិត្តរឿងអីបាន ជាស្រក់ទឹកភ្នែក។
ច្រើនលើកហើយចៅមួយនេះសុខចិត្តសម្រក់ទឹកភ្នែកតែមិនយំឱ្យឮ។ នៅកម្ពុជាយើងតើមានបទចម្រៀងដែល មានចំណងជើង(ស្រក់ទឹកភ្នែកតែមិនយំ) ហើយឬនៅ?បើមិនទាន់មានទេសូមជួយ និពន្ធមួយបទផង៕»
ដកស្រង់ពី៖Sabay
អំឡុងរយៈពេល ១០ ឆ្នាំចុងក្រោយនេះ ប្រទេសវៀតណាម ផលិតនិងបានសាកល្បងគំរូផ្កាយរណបចំនួន ៤ រួចទៅហើយ។ ចំពោះផ្កាយរណបទី ៤ នេះមានឈ្មោះថា «NanoDragon» បង្ហោះទៅអវកាសកាលពីថ្ងៃទី ៩ ខែវិច្ឆិកាឆ្នាំ ២០២១ ។
អានបន្ត៖ វៀតណាម ផលិតបានផ្កាយរណបទី ៤ ឈ្មោះ «NanoDragon» បង្ហោះទៅអវកាសរួចហើយ
បើនិយាយពីល្ខោន ប្រហែលជាប្រិយមិត្ដភាគច្រើនបានស្គាល់ច្បាស់ជាងគេ គឺវង់ល្ខោនបាសាក់ ភី សុគន្ធី ខេត្ដតាកែវ។
អានបន្ត៖ ផ្ដើមចេញពីក្មេងកំព្រា ជីវភាពតោកយ៉ាកហើយ តែ ភី សុគន្ធី...
ខណៈពេលដែល សិល្បករភាគច្រើនផ្ដោតអាជីវកម្មតែលើប្រភេទការថែរក្សាសម្ផស្សដងខ្លួន ឆាយ វីរៈយុទ្ធ
អានបន្ត៖ អ្នកណាមិនភ្ញាក់ផ្អើល ឆាយ វីរៈយុទ្ធ សុខៗបើកមន្ទីរពេទ្យ...